ئاگەهداری
ناڤ تومارکرن بۆ خولا پێداگوجی (راوەندێ ١٩)
هەوەیێن هێژا ئاگەهدار دکەین کو دێ خولەکا نۆی یا راهێنانا پێداگۆجى (رێكێن وانەگوتنێ) بۆ هەلگرێن باوەرنامێن ماستەر و دكتورایێ ئەوێن حەزا وەرگرتنا ناسناڤێ زانستى هەی هێتەڤەكرن. ژ بۆ ناڤ توماركرنێ سە‌ره‌دانا سەنتەرێ مە بکەن ل پەرتوکخانا ناڤەندی ل زانكۆیا دهوك. ناڤ توماركرن دێ دەست پێ کەت هەر ژ سوباهی رێکەفتی 2023/12/06 ل دەمژمێر 04:00 تا 08:00 ێ ئێڤاری.
بو پتر پێزانینان پەیوەندیێ ب ژمارە 07507801069 بكەن.
بۆ زانين ژمارا کورسیان یا دەست نیشان کریە و هه‌ر که‌سه‌کئ زیتر بهێت دئ ناڤێ وی هێتە تومارکرن.
مه رجێن پشکداریکرنێ ل خارێ دیارکری نە.
تێبینی:
فورمە ناهێتە پرکرن ئەگەر ئێك ژ مەرجان دگەل دا نەبیت.
خول دێ ل ناڤ کەمپا زانکویێ هێتە ئەنجام دان.
مەرجێن بەشداریکرنێ:
Participation Requirements
- هەلگرێ باوەرناما (ماستەر یان دکتورا)ێ بیت ژ زانکۆیەکا باوەرپێکری یا هەرێما کوردستانێ یان دەرڤەی هەرێمێ.
- ئەگەر پێشکێشکار ل زانکۆیەکا دەرڤەی وەلاتی خواند بیت، پێدڤی یە بریارا یەکسانکرنا باوەرنامێ ژ وەزارەتا خواندنا بلند یا هەرێما کوردستانێ بۆ دەرچووبیت، ئەگەر دەرنەچووبیت مافێ بەشداریکرنێ نابیت.
- پێدڤی یە ئاستێ شیانێت زمانێ ئینگلیزی (5) یا (IELTS) یان نمرا (59) یا (TOEFL-IBT) یان نمرا (495) یا (TOEFL-PBT)، یان (52) یا (Pearson Academic-PTE) هەبیت لدەمێ پێشکێشکرنێ، یان باوەرناما ئاستێ (Pre-Intermediate) ژ سەنتەرێن زمانی ل زانکۆیەکا هەرێمێ بسەرکەفتیانە بدویماهیک ئینابیت، و ل تاقیکرنا دوماهیێ دەرچووبیت، ئەوا ژ لایێ رێکخراوا (Amideast) دهێتە برێڤەبرن، یان سەنتەرێن زمانێ ئینگلیزی ل زانکویان، ل دیف رێنمایێن نوی یێن خولێن زمانێ ئینگلیزی ل وان سەنتەران. بەروڤاژی ڤێ چەندێ مافێ بەشداریکرنێ نابیت.
- پێدڤی یە مێژوویا باوەرناما ئاستێ زمانێ ئینگلیزی بسەرڤەنەچووبیت. بۆ زانین باوەرناما زمانێ ئینگلیزی هەتا ٣ سالان کار پێ دهێتە کرن.
- ئەگەر نمرا باوەرناما تاقیکرنا (IELTS)ێ (7) یان بەرامبەری وێ نمرێ ژهاوشێوێت وێ وەک (TOEFL-IBT ، TOEFL-PBT ، Pearson Academic-PTE) هەبیت و (صحة صدور) هاتبیتە کرن. مێژوویا بسەرڤەچونێ نینە و هین دشێن بەشداری خولێ بن.
- لێچوویێن بەشداریکرنێ د خولێ دا (500,000) هزار دینارن.
بەڵگەنامێن پێدڤی:
Required Documents
- کوپییەک ژ فەرمانا پێدانا باوەرناما ماستەرێ یان دکتورایێ.
- بریارا یەکسانکرنا باوەرنامێ ژلایێ وەزارەتا خواندنا بلند یاهەرێما کوردستانێ (بتنێ ئەگەر ژ دەرڤەی وەلاتی خواندبیت).
- کوپیەکا باوەرناما دەرچوونێ (بکالوریوس) کو نمرێن هەر چار سالا و تێکرایا نمرا دەرچوونێ تێدا دیارکری بیت.
- کوپیەک ژ باوەرناما ئاستێ زمانێ ئینگلیزی یا رەنگا و رەنگ.
- کوپیەکا رەنگا و رەنگ یا بەرپەرێ ئێکێ یێ پاسپورتێ.
- وێنەیەکێ نوی.
- قستێ ئێکێ (350،000) دینار.