زانستی خوازی بهردهوام
پشكا دووێ ژ بهرنامێ دڵنيايی جۆری ئهوه زانستی خوازی بهردهوام (CAD) كو دهێته سهرپهرشتی كرن ژلايی رێڤهبهريا دڵنيايی جۆری ل ژێر چاڤدێريا هاريكارێ سهرۆكێ زانكۆيێ بۆ كاروبارێن زانستی. ئهڤ بهرنامه گرنگی د دهته چالاكيێن مامۆستايا سهبارهت ئامادهبوون يان پێشكێشكرنا سمينارێن دهێنه ئهنجامدان ل بهشێ زانستی يان سكولێ، بهلاڤهكرنا بابهت وڤهكولينا ل گۆڤارێن زانستی وئهكاديمی يێن ناڤخويی يان جيهانی، بهشداربوون د كونفرانس و وۆركشووپ وخۆلێن راهێنانێ دا زێدهباری سهرپهرشتيا نامێن ماستهر ودكتورايێ وچهندين چالاكيێن دی بۆ بهێزكرنا شيانێن مامۆستای.
بهرنامێ زانستی خوازی بهردهوام خاڵێن ل خوارێ بهرچاڤ وهردگريت:
- دروستكرنا سمينارهكێ بۆ ههر وهرزهكێ خواندنێ ل ههر بهشهكێ، پێتڤی يه ئهو بابهتێن دهێنه گهنگهشه كرن ل سمينارێن كوليژێ بهرفره وكويرتر بن ژ بابهتێن سمينارێن بهشی.
- پێتڤی يه بهرنامێ سمينارا بێته دياركرن بهری دهسپێكا وهرزێ خواندنێ ل پاييزێ و ل بهارێ ب سهرپهرشتيا ليژنا زانستی و يهكا دڵنيايی جۆری ل سكۆلێ يان كوليژێ.
- پێتڤی يه دانهيك ژ بهرنامێ سمينارا بێته هنارتن بۆ رێڤهبهريا دڵنيايی جۆری ل سهروكاتيا زانكۆيێ.
- راگرێ فاكولتی يێ سهرپهرشتیێ ل سهر ئهنجامێن سمينارا دكهت ئهوێن سهر ئاستێ فاكولتی يان سكۆلێ دهێنه ئهنجامدان، سهرۆكێن بهشێن زانستی سهرپهرشتيێ ل سهر ئهنجامێن سمينارا د دكهن ئهوێن سهر ئاستێ بهشان دهێنه ئهنجامدان. ئهڤ چهنده وێ رامانێ نادهت كو راگر و سهرۆك بهش بكارێ دروستكرنا سمينارا رادبن.
- سهرۆك بهش ئێك ژ مامۆستايا دهستنيشان دكهت وهك رێكخهر بۆ سمينارێن بهشی ههروهسا مامۆستايهك دهێته دهستنيشانكرن وهك رێكخهر بۆ سمينارێن كوليژێ.
- پێتڤی يه بهرنامێ سمينارا بهری كومبوونا جڤاتا كوليژێ بێته دروستكرن داكو جڤاتا كوليژێ بريارێ ل سهر بدهت و پهسهند بكهت.
- پێتڤی يه فورمێن ههڤپێچ (AبۆI) بێنه پر كرن ژ لايێ رێكخهری ڤه و بێنه كۆمكرن وهنارتن بۆ رێڤهبهريا دڵنيايی جۆری ل سهرۆكاتيا زانكۆيێ و برێكا وێ بۆ رێڤهبهريا گشتی يا دڵنيايی جۆری ل وهزارهتا خواندنا باڵا.
ئهركێن نوينهرێن زانستی خوازی بهردهوام:
- رێكخستن وچێكرنا خشتێ سمينارا ل كوليژێ و بهشێن زانستی.
- دابينكرنا دهمژمێرهكێ ههر حهفتيێ بۆ سمينارێن بهشی.
- رێكخستن د ناڤبهرا پێشكێشكهرێ سمينارێ و ئامادهبويا ژ بهشی و مامۆستايێن پهيوهندی دار ژ بهشێن دی.
- سهرپهرشتيا رێكخستنا سمينارا وبهلاڤكرنا فۆرمێن ههلسهنگاندنا سمينارێ وتوماركرنا ئامادهبويا.
- كاركرن دكل رێكخهرێ سهرهكی يێ دڵنيايی جۆری ل فاكولتی يێ وپێدانا دانهيهكێ ژ خشتێ سمينارا بۆ رێكخهرێ سهرهكی.