وەك بەردەوامی دان ب پروژێ ‘جینوساید د بیردانکا مە دا’، سەنتەرێ ڤەکولینێن جينوسايدێ - زانکویا دهوك، و ب هاریکاریا دارایی یا رێکخراوا Youth Speak، سەرەدانا قوتابخانا هێڤا یا ئینگلیزی و ئامادەیا کورد یا ئینگلیزی کر ژ بو پێشکێشکرنا سمینارەکێ دەربارەی بابەتێ جینوسایدێ و کومەڵ کوژیێن دژی گەلێ کورد هاتینە ئەنجامدان بو قوتابیێن پۆلا هەشتێ ناڤنجی و قوتابیێن دەهێ و یازدێ ئامادەیی ل روژا چوارشەمبی ٢٠٢٣/٣/٨. ئەڤ پروژە ب سەرپەرشتیا ڤەکولەرێ هاریکار (محمد حسن) ژ سەنتەرێ ڤەکولینێن جینوسایدێ و ب بەشداریا (نازدار عدنان و هەژین نزیر) قوتابی ل بەشێ رابەریا دەروونی و پەروەردەیی ل زانکویا دهوك. ئارمانجا ئەڤی پروژەی، ب هێزکرنا ئاستێ پێزانینایە دەربارەی جینوسایدێ و کومەڵ کوژیێن دژی گەلێ مە یێ کورد هاتینە ئەنجامدان و بەشداریکرنا قوتابیێ زانکویێ یە د پروژێن زانستی و ئەکادیمی دا و ئەڤ پروژە دێ بەردەوام بیت بو ماوێ دوو هەیڤان.