وەك بەردەوامی دان ب پروژێ ‘جینوساید د بیردانکا مە دا’ و پروگرامێ سەرەدانێن قوتابخانا، سەنتەرێ ڤەکولینێن جينوسايدێ - زانکویا دهوك، و ب هاریکاریا دارایی یا رێکخراوا Youth Speak، سەرەدانا قوتابخانا پاشەروژا گەش یا تایبەت یا ئینگلیزی، ئامادەیا کاوە یا کوران یا نموونەیی، ئامادەیا دهوك یا کچان و قوتابخانا وەرار یا نموونەیی کر ژ بو پێشکێشکرنا سمینارەکێ دەربارەی بابەتێ جینوسایدێ و کومەڵ کوژیێن دژی گەلێ کورد هاتینە ئەنجامدان بو قوتابیێن پۆلێن دەهێ و یازدێ ئامادەیی ل روژێن سێشەمبی و چوارشەمبی ل رێکەفتی ٢٨ و ٢٩ هەیڤا ئادارا ٢٠٢٣. ئەڤ پروژە ب سەرپەرشتیا ڤەکولەرێ هاریکار (محمد حسن) ژ سەنتەرێ ڤەکولینێن جینوسایدێ و ب بەشداریا (ابراهيم سعيد و ژیان صدیق) قوتابی ل بەشێ پەیوەندیێن نێڤدەولەتی، (سوسن محمد) قوتابی ل بەشێ سیاسەتا گشتی و (دیلان ئەنەس) قوتابی ل بەشێ وەڕگێرانێ ل زانکویا دهوك. ئارمانجا ئەڤی پروژەی، ب هێزکرنا ئاستێ پێزانینایە دەربارەی جینوسایدێ و کومەڵ کوژیێن دژی گەلێ مە یێ کورد هاتینە ئەنجامدان و ببەشداریکرنا قوتابیێ زانکویێ یە د پروژێن زانستی و ئەکادیمی.