سەنتەرێ بێشکچي

سەنتەرێ‌ بێشكجی بوو ڤەكولینێن مروڤایەتی

بیردوزا دانانا سەنتەری :  

ئەم یێ‌ دسەردەمەكی دا دژین پێزانین رولەكێ‌ گرنگ دگێرت د دارێشتنا پەیڤێن زمانێ‌ مێژوو وسیاسەت و ئابور وچڤاك وجوگرافی و گەشەپێدان وپێشكەفتنێ‌ دا ، پێزانین خامێ‌ دارێشتنا ناڤەروكا نەخشێ‌ سیاسیێ‌ دەولەتێ‌ یە ل سەر نەخشێ‌ سیاسی یێ‌ جیهانی ب هەمی لایاڤە (ئابوری ، سیاسی ، جڤاكی)، بەلكو هەر پێزانینە دبیتە پیڤەرێ‌ رادێ‌ پێشكەفتن و پاشكەفتنا مللەتان، وب رێكا پێزانینان د شیاندایە بنەمایێن مێژوو وكەلتور وشارستانیەتا گەلان بهێنە پاراستن و ب وێنەیەكێ‌ زەلال بهێنە دیاركرن بوو گەلین دیتر ، لەوما پاراستن و نویژەنكرنا پێزانینێن راست لدویڤ پەیرەوێ‌ زانستیێ‌ رەسەن تاكە رێكە  تاكو مللەتێ‌ مە جهێ‌ خوو یێ‌ سروشتی ببینیت دناڤ مللەت و شارستانیێن جیهانێ‌ دا.

لدویڤ باوەریامە ب ئەركێ‌ مە یێ‌ نیشتمانی كو ئەم رولێ‌ خو بگێرین دپێشكەفتنا مللەتێ‌ مەدا، ئەڤ چەندە هەمی مە پالڤەدەت كو ئەم رەفتارێ‌ دگەل پێزانینێ‌ بكەین ب هەمی رامانێن وێڤە وەك داهاتەكێ‌ نیشتمانی نابیت خەمساری دگەل بهێتە كرن، بەلكو پێتڤی یە بهێتە پاراستن ونویژەنكرن لدویڤ بنەماێن زانستیێن رەسەن، وبهێتە پێشكێشكرن ب شێوەكێ‌ راست كوو ببیتە ئاوێنەكا سروشتی وێنێ‌ راستێ‌ شارستانیەتا مللەتێ‌ مە دیاربكەت، لەوما دڤی دەمی دا - بەراورد دگەل دەمەكێ‌ بووری دا - ئەم دپێتڤی ب ناڤەندێن زانست و زانینێ‌ ینە كۆ رەفتارێن زانستیانە دگەل پێزانینێ‌ بكەن و ب ئەركێ‌ خو بزانن وبهەژمێرن وەكۆ سامانەكێ‌ نیشتمانی، داكو ئەڤ پێزانینە بهێنە بكارئینان د پروسا ئاڤاكرنا وێنێ‌ راستێ‌ مللەتێ‌ مەدا بەرامبەر جیهانێ‌، لدویڤ ڤێ‌ چەندێ‌ بیردۆزا سەرەكی یا دانانا ئەڤی سەنتەری گلالەبویە .