کولیژا پلانسازیا شار و هەرێمان
ل روژا دووشەمبی رێکەفتی ٢٠٢٣/٥/١٥ پروگرامێ مەشقا هاڤینێ (Summer School) یا قوتابیێت کولیژا پلان سازیا شار و هەرێمان ل زانکویا دورتموند (TU Dortmund) ل وەلاتێ ئەلمانیا دەستپێکر. ل دەستپێکێ بخێرهاتنەکا گەرم ژ لایێ پروفسور (دییتوالد گروهن)، راگرێ بەشێ پلاندانانا جهی ل زانکویا تەکنیکی یا دورتموند ل قوتابی و شاندێ زانکویا دهوک هاتە کرن. و پاشان ماموستا (سمیر هاشم)، هاریکارێ راگرا کولیژا پلاندانانێ ل زانکویا دهوک، ژلایێ خوڤە ب نینەراتیا راگریا کولیژێ بخێرهاتنەکا گەرم ل قوتابیان کر و باس ل گرنگیا ئەڤێ هەڤپشکیا نیڤدەولەتی و هێزا گهورینا پەروەردێ کر و سوپاسیا زانکویا دورتموند کرن ژ بو رێکخستنا ڤێ مەشقێ کو دێ بو ماوێ چار هەفتیان ل وەلاتێ ئەلمانیا ڤەکێشیت . ل روژا ئێکێ یا پروگرامێ مەشقا هاڤینێ ل زانکویا دورتموند ئاماژە لسەر هەڤکارییا هەردوو زانکویان و گرنگیا رولێ ئەڤان جورە پروگرامان بو بهێزکرن و بەرفرەهکرنا هزرا قوتابیێن مە لدور پلاندانا جهی بگشتی هاتە کرن کر و چەندین بابەت ژ لایێ ماموستایان ڤە هاتنە گەنگەشە کرن.