ئه‌ركێ مه‌یه ژینگه‌هێ پارێزین دروشمێ 16 مین خیڤه‌تگه‌ها دیده‌ڤانیا كولیژا په‌روه‌ردا جه‌سته‌یی و زانستێن وه‌رزشیا زانكویا دهوكه ئه‌وا بو 105 قوتابیێن قوناغا ئێكێ یا كولیژێ وه‌ك بزاڤه‌كا دیده‌ڤانی و وانه‌یه‌كا سه‌ره‌كی لڤێ كولیژێ دهێته خاندن درێ و ره‌سمه‌كێ تایبه‌تدا هاته‌ڤه‌كرن ب ئاماده‌بونا ماجد سید صالح نینه‌رێ پاریزگارێ دهوك و هه‌ردوو هاریكاریێن سه‌روكێ زانكویا دهوك و راگرێ كولیژێ و ئه‌ندامێن جڤاتا زانكویا دهوك و هژماره‌كا زور ژ به‌رپرسێن میری و حزبی رێ و ره‌سمێن خیڤه‌تگه‌هێ هاته‌ڤه‌كرن ب بلند كرنا ئالایێ كوردستانێ و خاندنا ئه‌ی ره‌قیب ده‌ستپێكرن لدیڤدا پێشانگه‌هه‌كا دیده‌ڤانی كو ده‌ربرین ژ بزاڤ و چالاكین دیده‌ڤاندكرن هاته‌ڤه‌كرن و سه‌ره‌دانا سه‌رجه‌م خیڤه‌تگه‌ها هاته‌كرن
ل دانێ ئێڤاری هاریكارێ بەرپرسێ مەكتەبا رێكخستنا دهوكێ پێشوازی ل راگڕ قوتابیێن کۆلیژا پەروەردا جەستەیی و زانستێن وەرزشی یا زانکۆیا دهۆكێ كر
ل بارەگایێ مەكتەبێ بەرێز ”سەباح بەیتۆلڵا” هاریكاریێ بەرپرسێ مەكتەبا رێكخستنا پارێزگەها دهوكێ پێشوازی ل بەرێز د. زياد محفوز عبدالقادر، راگرێ کۆلیژا پەروەردا جەستەیی و زانستێن
وەرزشی یا زانكۆیا دهـۆک و قوتابیێن کۆلیژێ كر
دپەیڤەكێ دا بەرێز سەباح بەیتوڵلا خوشحالیا خۆ نیشاندا ب هەڤدیتنا ڕاگر و قوتابیێن کۆلیژا پەروەردا جەستەیی و زانستێن وەرزشی و دەستخۆشی ل كارێ وانا كر بۆ رێكخستنا 16 هەمین خیڤەتگەهـا دێدەڤانی ب ئاوایەكێ پڕاكتیكی و تیوری و كارێ وان ب گرنگ و پیرۆز وەسفكر
بەحسێ گرنگیا بیاڤێ وەرزشێ كر و تەكەز ل سەر رۆلێ وەرزشی دناڤ چڤاكی دا كر وەكو هوكار و ئامرازەكێ بهێزە بۆ نیاسینا مللەتان دا زانین و گوت ل سایەی پێشكەفتنا هەرێما كوردستانێ نهو ئەم خودی چەندین سەنتەر و ناڤەندێن ئەكادیمی نە دبیاڤێ وەرزشێ دا و ئەڤ چەندە ژێ جهـێ خۆشحالیێ یە
لدیڤدا رێپڤانەکا ب درێژاهیا ١٠کم هاتە ئەنجامدان دناڤا سروشتێ جوانێ کوردستانێ دا دڤێ رێپیڤانێ دا وەک ئەرک بو پاراستنا ژینگەهێ سروشتێ جوان ژلایێ ڤان دیدەڤانان هاتە دیتن و ژینگەها خو پاراستن و پاقژ راگرتن
ل دانێ شەڤێ یاریەکا هەڤالینی یا فوتسالێ دناڤبەرا جڤاتا زانکۆیێ و وەرزشڤانێن دێرین هاتە ئەنجامدان پاشی ئاهەنگا شەڤێ ب ئامادەبونا هەردوو هاریکارێن سەروکێ زانکۆیا دهوک و راگرو جڤاتا کولیژێ و ماموستا قوتابیان ئاهەنگەکا قەشەنگ هاتە گێران