كولیژا زانست
پشتى بو جارا ئێكێ بهرى چهندهكێ هايدان بو پروژێ قوتابيا دكتورايێ هاتيه كرن ژلايێ رێكخراوا PEER يا ئهمريكى، ئهڤرو لابورا پروژێ UoD PEER Project ژلايێ سهروكێ زانكويا دهوك و راگرێ كوليژا زانست و ب حازربونا ژمارهكا زور ژ كارمهند و ماموستايێن زانكويێ هاته ڤهكرن. بو زانين ئهف لابوره هاته ڤهكرن ل سهنتهرێ ڤهكولينێن زانستى/ كوليژا زانست/ زانكويا دهوك.
پشتى ڤهكرنا ڤى پروژهى، سهروكێ زانكويێ سوپاسى و گهشبينێن خو دياركرن ب دهستڤهئينانا ڤێ دهست كهفتا سهرنج راكێش كو ئێكهمين جاره ئهڤ چوره پروژه سهرتانسهرێ زانكويێن ههرێمێ تێته ب جه ئينان و ههرووسا كو ئێكهمين پروژهيه تێته وهرگرتن كو ب Cycle 6 ل ههرێما كوردستانێ يه پشتى ههڤركيهكا دژوار دگهل 454 پروژان.
ژههژى گوتنێ يه كو سهرپرشتێ سهرهكى لسهر ڤى پروژهى قوتابيا دكتورايێ يه (سهاد عبدالرحمن ياسين)ه ژ پشكا كيميايێ.
و ژمفايێن مهزن يێن ڤى پروژهى ئهڤهنه كو ئهف جوره پروژه دێ هاريكاريێ كهت بو ڤهكرنا دهرگهههكێ گرێدانێ دناڤ بهرا زانكويا مه دگهل مهزنترين دهزگههێ ئهكاديمى ل جيهانێ، ههرووسا ژگرنگيێن ڤى پروژهى دێ شێت پێدانا زانكويێ كهتن ب نويترين پێداويستێن پێشكهفتى و كهرهستێن كيميايى و ههر تشتهكێ گرێداى ب سيستهمێ نانو تهكنولوجى ڤه.