ب دووماهی هاتنا خولەکا راهێنانێ
ب ئامادەبونا د.ئەفراسیاب موسی، رێڤەبەرێ گشتی یێ ساخلەمیا دهۆکێ، و د.دلدار حاجی، ڕاگرێ کۆلیژا پزیشکی یا دهۆکێ، ل نەخۆشخانا هیڤی یا زارۆکا، خولەک ل دۆر ڤێراگەهشتنێن دەسپێکی ددەمێن تەنگاڤیان دا، بو هژمارەک دەرچوویێن کۆلیژا پزیشکی ب دووماهی هات.
د.ئازری صلاح وەکو پشکدار و نوینەرێ پشکداربوویان د پەیڤەکێ دا ل دۆر شێوازێ راهێنانێ ل سەنتەرێ راهێنانا کلینیکی ئاخفت و دیارکر کو ب دووماهی هاتنا ڤێ خولێ ئەو دێ خزمەتەکا باش ل پشکێن تەنگاڤیان پێشکێش کەن.
د.نورالدین عبدالله، رێڤەبەرێ سەنتەرێ راهێنانێن کلینیکی دیارکر سەنتەرێ وان بەردەوامە د راهێنانا هەموو ستافێ ساخلەمیێ دا، و شیاینە هژمارەکا زور یا راهێنەران ل سەنتەری بەرهەفبکەن کو د قوناغێن بهێت دا هەموو کەرتێ ساخلەمیێ مفایی ژ شیانێن وان وەربگرن.
د.دلدار حاجی، ڕاگرێ کۆلیژا پزیشکی یا دهۆک دیارکر کو قوناغا راهێنانێ ئێک ژ قوناغێن گرنگێن پێشڤەبرنا شیانێن دەرچویێن کۆلیژا پزیشکیا دهۆکێ یە بەری ل دەزگەهێن ساخلەمیێ دەستبکاربن.
ل دووماهیێ باوەرنامێن دەرچۆنێ ل سەر پشکداربوویان ژلایێ ئامادەبو و ماموستایێن خولێ هاتنە دابەشکرن.