كولیژا زانستێن مروڤایەتی
ئەڤرۆ حەفتێ و شەش کەڤالێن هونەری هاتنە پێشاندان
دووشەممە، 21 کانونی یەکەم، 2020
ئەڤرۆ رۆژا دوشەمبی ٢١-١٢-٢٠٢٠ لدەمژمێر دەهێ سپێدی ب ئامادەبوونا سەرۆکێ زانکۆیا دهۆک پرۆفیسور" د.مسلح محمد سعید دهۆکی" و بەرێز ماموستا"بەیار سەفەر چیچو" بەرپرسێ لژنا ناوچا چرا ، پێشانگەها کەڤالێن هونەری یا بەرهەمێن قوتابیێن قوناغا چارێ ل پشکا هونەرێن شێوەکاری د ناڤ باخچێ کۆلیژا زانستێن مرۆڤایەتی هاتە ڤەکرن و ژلایێ راگرێ کولیژا زانستێن مرۆڤایەتی" د. مزگین محمد حسن " ی و ماموستا و کارگێرن پشکا هونەرێن شێوەکاری ڤە هاتە پێشوازیکرن ، دڤێ رێ و رەسمێدا خەلکەکێ زۆر ئامادەببوو و حەفتێ و شەش کەڤال هاتبوونە نیشاندان کو ژ بەرهەمێ دەرچوونا هەڤدە قوتابیێن پشکا هونەرێن شێوەکاری بوون .
ماموستا دلگەش جاسم عەزیز سەرپەرشتێ پشکا هونەرێن شیوەکاری دیار کر کو ئەڤ فێستەڤالە یا گەڕا هەشتێ بوو هاتیە ئەنجامدان و قوتابیێن پشکێ ب ڤان بەرهەمان قوناغا چارێ دەربازکر و بەرهەمێن وان ژ لایێ لژنەیەکا پسپور ڤە هاتینە هەلسەنگاندن و هەلبژارتن بۆ نیشاندانێ.
لدووماهیکێ شریناهی هاتنە بەلاڤکرن و خەلاتێن سۆپاسیێ هاتنە دابەشکرن.