ووركشۆپ
ورك شۆپەك ل دور ناڤونیشانێن ( ڤەکرنا پشکێن نوی) ل کولیژێ هاتە سازکرن
دوهی و ئەڤرۆ ب هەڤپشکی لگەل هەردوو سازیێن (رێڤەبەریا پەروەردا قەزا ئامێدیێ لگەل پەیمانگەها تەکنیکی یا ئامێدیێ) ورك شۆپەك ل ژێر ناڤێ ( پێدڤیا دەڤەرا ئامێدیێ ب ڤەکرنا پشکێن زانستی و پەروەردەی) ل سنورێ قەزایا ئامێدیێ ل هولا کولیژێ هاتە سازکرن. ل دەستپێکێ (پ.ه.د. نعمت اللە حامد) رگرێ کولیژێ، دپەیڤەکێ دا بخێرهاتنا بەرهەڤبوویان کر وئاماژە دا گرنگیا کارکرنا هەڤپشک دناڤبەرا هەرسێک سازیێن ئەکادیمی و پەروەردەیی دا. پاشی پشکدارێن ورکشوپێ بهویری ل دور بابەتی گەنگەشەکرن. وگرنگترین پێشنیار و راسپاردە هاتنە نڤیسین ژبۆ ڤەکرنا ئەوان پشکێن زانستی ئەوێن دەڤەرێ پێدڤی پێ هەی وکەرتێ پەروەردێ ڤالاهی تێدا هەین.ئەو پێشنیار و راسپاردە وەکو نڤیسار دێ هێنە بلندکرن بۆ جهێن پەیوەنەدیدار. داکو خزمەتا لایەنێ زانستی و پەروەردەیی بهێتە کرن ل دەڤەرێ. هەژێ گوتنێ یە هەرسێ ماموستایێن زور بەرێز ( د. احمد فتاح راگرێ پەیمانگەهێ و ماموستا وجیە سعید، رێڤەبەرێ پەروەردا قەزا ئاميدیئ و ماموستا محمد سعید بەرپرسێ لیژنا ناوچا ئامێدیێ دبەرهەڤ بوون دورکشوپێ دا و هەموو لایەنان بەرهەڤیا خۆ دیارکر بۆ کارکرنا هەڤپشک و خزمەتکرنا کەرتێ پەروەردەیی و فێرکرنێ ل دەڤەرا ئامێدیێ.