د سيمينارەکا بێ وێنە دا هاتیە رێکخستن ژ لایێ زانکۆیا دهۆک بهەڤکاری دگەل زانکۆیا کۆڤنتری یا بریتانی، تێگەهشتنێن بەرفرە‌‌‌ھ لدۆر ڤەکۆلینێن ئاشتیێ و ململانێ هاتنە پێشکێشکرن بۆ ئامادەبوویان ژ قوتابیێن ماستەر و دکتۆرایێ و ڤەکۆلەرێن دیتر یێن گرێدایی بوارێ ئاشتیێ. ئەڤ چالاکیە ل زانکۆیا دهۆک ل ٥_ی مەها شواتێ، 2024 هاتە ئەنجامدان.

د ڤێ سیمینارێ دا، دوو پسپۆر ژ زانکۆیا کۆڤنتری پشکدار بوون و پەیڤێن پری زانیاری پێشکێشی ئامادەبوویان کرن. د. ئۆرلی و د. دیلان هەول دان زانیاریێن ئامادەبوویان زەنگین بکەن ل دۆر چەوانیا ئەنجامدانا ڤەکۆلینێن ئاشتیێ یێن ئارمانجدار، چ جۆرێن ڤەکۆلینێ پتر پێدڤیە بهێنە ئەنجامدان، چەوانیا نڤیسینا ڤەکۆلینان، چ لایەن بهێنە گەنگەشەکرن ب رێکا ڤەکۆلینان، و زێدەتر.

هزرا سەرەکی ژ ڤێ سیمینارێ ئەو بوو خو نیزیک کرن ژ جڤاکی بخو دا کو بزانین ئاریشێن وی یێن سەرەکی چنە، و چارەسەریان بو وان ئاریشان ببینین برێکا ڤەکۆلینان. پەیڤدارێن سیمینارێ دگەل ڤەکۆلەرێن ئامادەبوو گەنگەشەیێن مفادار ئەنجام دان بۆ گەهاندنا هزر و بیرێن خو یێن گرێدایی ئاریشێن جڤاکی و رێکێن چارەسەریێ. ب ڤی شێوەی، ئامادەبوویان نێرینەکا بەرفرەھ ب دەستڤەئینا ل دۆر پێشئێخستنا خواندن و ڤەکۆلینێن ئاشتیێ بۆ ئاستێن بلندتر.

راگەهاندنا زانکۆیا دهۆک، 11ی شواتێ، 2024

فاطمة محمود

فۆتۆ:حسێن تتمى