کۆلیژا ئەندازیاری ل زانکۆیا دهۆک، ب هەڤکاریا زانکۆیا ئەمریکی ل کوردستانێ، وۆرکشۆپەکا تایبەت ب هەڵسەنگاندنا كۆرسێن ئەندازیاری و دەرئەنجامێن فێربوونا قۆتابیان ل ٢٤ی خزیرانا ٢٠٢٤ێ، ل هۆڵا سیمیناران یا کۆلیژا ئەندازیاری ئەنجامدا.
ئەڤ وۆرکشۆپە پشتی هەوڵا بەرفرەھ یا ستافێ پشکێن کۆلێژا ئەندازیاری وەک ئەندازیاریا کارەب و کۆمپیوتەری و ئەندازیاریا تەلارسازی و ئەندازیاریا شارستانی هات بۆ بەرهەمئینانا ڕاپۆرتا خۆهەلسەنگاندنێ. ئەڤە ژی پێنگاڤا دەستپێکێ یە بەرەڤ باوەرپێکرنێ یان پەرەپێدانا بەرنامەیێن خواندنا ئەندازیاری.
ئەڤ دەستپێشخەرییە بەشەکە ژ پڕۆژەیەکی کو بەڕێز مەسرور بارزانی، سەرۆکێ حکومەتا هەرێما کوردستانێ سەرپەرشتیێ دکەت. د.هونەر عیسا، ئەندامێ دەستەیا باوەڕپێکرن و پەرەپێدانا پرۆگرامی ژ هەردوو وەزارەتێن پەروەردە و خواندنا بلند و ڤەکۆلینێن زانستی پشكداری دڤێ وۆرکشۆپێ دا کر. هەتا نوکە زانکۆیێن دهۆک و سەڵاحەدین و سلێمانی وەک تاقیکەر بۆ ڤی پڕۆژەی هاتینە هەڵبژارتن.
ژ هەژی گۆتنێ یە کو کۆلیژا ئەندازیاری ئارمانجا وەرگرتنا باوەڕپێکرنێ هەیە بۆ پرۆگرامێن خواندنا ئەندازیاری ل ئەنجوومەنێ عێراقێ بۆ پەرەپێدانا پرۆگرامێن ئەندازیاری.
راگەهاندنا زانکۆیا دهۆک:٢ـى تیرمەها ٢٠٢٤
فاطمة محمود
فۆتۆ: محەمەد عبدولکەریم، عەلى بانکى