دهۆک، هەرێما کوردستانێ، ٢٨ـی ئادارێ ٢.٢٤
د کۆربەندەکێ هەڤپشک دا، کو ژ لایێ کولیژا زانستێن سیاسی ل زانکۆیا دهۆک و رێکخراوا STEP ڤە هاتبوو رێکخستن، و ب ئامادەبوونا سەرۆکێ زانکۆیا دهۆک، د. داود سلێمان ئەتروشی، هژمارەکا شارەزا و بسپۆران دانوستاندنێن هویر و تێروتەسەل ئەنجامدان ب مەرەما شرۆڤەکرنا ئالۆزیێن گرێدای هەلبژارتنێن هەرێما کوردستانێ و دویڤچوون و هەلسەنگاندنا پێرابوونێن دادگەها فیدرالی یا عیراقێ د ڤی بیاڤی دا. ڤێ کۆربەندی، ب شرۆڤەکرنێن هویر و گۆتارەکا زانستی و رەخنەیی، رۆناهی بەردا سەر وان دینامیکیێن ئالۆز، ئەوێن دیمەنێ هەلبژارتنان ل هەرێما کوردستانێ پێکدئینن.
دلگەش سادق، وەکو بسپۆرەکێ شارەزا د یاسایێن هەلبژارتنان دا، جەخت کر کو گۆرانکاریێن ڤێ دویماهیێ و بریارێن دادگەها فیدرالی ل دۆر کورسیێن هەلبژارتنێن پەرلەمانێ هەرێما کوردستانێ، گرێدای ناکۆکیێن سیاسیێن پارتێن هەرێما کوردستانێنە. دلگەش سادقی بێ دوودلی راگەهاند کو دادگەها فیدرالی هیچ دەستهەلاتەک نینە دەستکاریێ د کورسیێن هەلبژارتنان دا ل هەرێما کوردستانێ بکەت یانژی دەستهەلاتا یاسادانێ پێشێلبکەت.
ل گەل پێشڤەچوونا دانوستاندنان، سەربەست ئامێدی، رێڤەبەرێ رێکخراوا STEP باس ل سەر گرنگیا هەرەمەزنا هەبوونا چارچۆڤەکێ زەلالێ هەلبژارتنان کر. ئامێدی هەروەسا جەخت ل سەر گرنگیا پاراستنا سەربخۆیی یا کۆمسیۆنا هەلبژارتنان و گەرەنتیکرنا پرۆسێسەکا هەلبژارتنا یا زەلال و گشتگیر و دویر ژ هەر دەستێوەردانەکێ کر.
ژ لایێ خۆ ڤە، د. هەوار نێروەیی، راگرێ کۆلیژا زانستێن مرۆڤایەتی ل زانکۆیا دهۆک، دیتنێن بوهادار ل دۆر پالدەرێن سیاسیێن ل پشت دەستێوەردانێن دادگەها فیدرالی پێشکێشکرن. هەروەسا نێروەیی هۆشداری دا ل دۆر وان ئەجندایێن دەرەکی یێن هەولا تێکدانا هەرێما کوردستانێ ددەن و تیشک ئێخستە سەر هەڤرکیێن تائیفی و فیدرالیێن نەهەڤسەنگ.
ئەڤ کۆربەندە، ئەوێ ل هۆلا پێشمەرگە ل ناڤەندا قوتابیان ل زانکۆیا دهۆک هاتیە ئەنجامدان، وەکو دیدارەکا چالاکا هەڤگوهارتنێن ئەکادیمی بوو، کو بۆ ئەگەرێ پەیدابوونا پشکداریێن چالاک ژ لایێ قوتابی و مامۆستایێن زانکۆیێ و ئامادەبوویا ڤە. ئامادەبوونا سەرۆکێ زانکۆیا دهۆک ژی، پشکداری ئاسانترلێکرن کو قوتابیێن زانکۆیێ ب شێوەکێ ئێکسەر دانوستاندنێن ڤەکری و هویر ل دۆر دیمەنێ هەلبژارتنان ل کوردستانێ، ل گەل پانێلیستان ئەنجامبدەن.
راگەهاندنا زانکۆیا دهۆک
سەباح ئەتروشی