ل رۆژا 5/7/2021 ووركشۆپەك ل دۆر پشكنینێن كۆرۆنایێ ب رێیا (PCR) ل سەنتەرێ رەوشەنبیری یێ زانكۆیێ ژلایێ سەنتەرێ پشكنین و ڤەكۆلینێن كۆرۆنایێ ل زانكۆیا دهۆك هاتە گێران.
دڤێ ووركشۆپی دا زانكۆیێن دهۆك و زاخۆ و پۆلیتەكنیك یا دهۆك و مویسل تێدا د پشكداربوون، كو مەرەم ژێ ئەوێن ل تاقیگەهان كار دكەن كا ب چ رەنگ دێ سەرەدەریێ دگەل سەمپلا كەن وەكو پێنگاڤا ئێكێ و پێنگاڤا دووێ دێ چاوا لابۆرەك ب رێكێن زانستی هێتە دروست كرن یا سیێ ژی چاوانیا دەستنیشان كرنا ڤایرۆسێ كۆرۆنایێ و یا دووماهیێ ژی دێ چاوا جۆرێن نوی یێن ڤایرۆسێ كۆرۆنایێ هێنە دەستنیشان كرن، كو هەتا نوكە ل دهۆكێ ئەڤ ڤایرۆسە نەهاتیە دەستنیشان كرن.
ئەڤ ووركشۆپەكە دێ بۆ دەمێ چار رۆژان ڤە كێشیت كو دوو رۆژ تیۆری و دوو رۆژ پراكتیكی نە ل تاقیگەهان.