سەنتەرێ راھێنانا پێداگوجی و پەرەپێدانا ئەكادیمی ل زانكۆیا دھۆك، وۆركشۆپەك ب ناڤونیشانێ "پراكتیككرنا ئالاڤێن بیرتیژیا دەستكرد د ژینگەھێن ئەكادیمی دا" بۆ 25 پشكدارا ژ قوتابیێن خواندنا بلند و ھەلگرێن باوەرنامێن دیپلۆما بلند و ماستەر و دكتۆرایێ ژ پشكێن جودا یێن كۆلیژێن زانكۆیا دھۆك ئەنجامدا. وۆركشۆپ بۆ ماوێ سێ رۆژان دێ ڤەكێشیت ژ 30ـی خزیرانێ 2024 تا 4ـی تیرمەھێ 2024.
زێدەباری پەرەپێدانا زانینا بكارئینانا بیرتیژیا دەستكرد ل دەڤ پشكداران، ئارمانجا وۆركشۆپی پێدانا رەھوانیێن سەرەكی یە د سێ بوارێن سەرەكی دا ئەوژی "چەوانیا ڤەدیتنا ڤەكۆلینێن ل گەل بسپۆریێن وان دگونجن و چەوانیا كورتكرنا ڤەكۆلینا و دەرئینانا ناڤەرۆكێ ژ ڤەكۆلینا، دیسان چەوانیا باشكرنا رەھوانیێن خۆ یێن زمانی بۆ نڤیسینا ئەكادیمی و ڤەكۆلینا، كو وۆركشۆپ وەك بەرنامەیەكێ مەشقدانێ یێ كریاری ھاتیە دیزاینكرن ل گەل دابەشكرنا باوەرناما ل سەر پشكداربوویا ل دەمێ ب دویماھی ھاتنێ.
د. محەمەد جەمیل، رێڤەبەرێ سەنتەرێ راھێنانا پێداگوجی و پەرەپێدانا ئەكادیمی، كو بسپۆرێ زانسێن كومبیوتەر و وێب سایت و بیرتیژیا دەستكردە، كو راھێنەر و رێڤەبەرێ وۆركشۆپی یە، دا دیاركرن، ژبەر داخازیا زۆر دێ دەرگەھێ توماركرنێ د وۆركشپۆپی دا یێ ڤەكری بیت داكو دەلیڤە ب ھەر كەسەكێ حەزا پشكداریكرنێ ھەبیت بھێتە دان.
زێدەباری ئەڤێ چەندێ، ئەڤ وۆركشۆپە ب زنجیرەیەكا بێ وێنە دھێتە ھژمارتن، كو بریارە خۆلەكا دی د حەفتیا بھێت دا بھێتە رێكخستن، ل گەل بەردەستبوونا دەلیڤا خۆ تۆماركرنێ ھەتا دویماھیا ئەڤێ حەفتیێ بۆ خۆلێن داھاتی. ھەژێ ئاماژەدانێ یە سەنتەرێ راھێنانا بێداگوجی و پەرەپێدانا ئەكادیمی ب شێوەیەكێ بەردەوام بەرنامێن پێشكەڤتنا ئەكادیمی یێن جودا بۆ قوتابیێن خواندنا بلند ل زانكۆیا دھۆك پێشكێشدكەت.
https://drive.google.com/drive/folders/1ew2TEzvunxB9bi9dUOx3mRaX3isg_7W_?usp=sharing
راگەھاندنا زانكۆیا دھۆك؛ 2ـی تیرمەھێ 2024
نڤێسین: فاطمة محمود
وەرگێران: ماھر طاھر كێستەیی
فۆتۆ: محەمەد عەبدولكەریم