مامۆستایەکێ زانکۆیا دهۆک پشکداری نڤێسینا پەرتۆکەکا یاسایی یا گرنگ بوو
Nov. 15, 2022, 5:12 p.m.

راگەهاندنا زانکۆیا دهۆک؛١٣ـی چریا دووێ ٢٠٢٢

مامۆستایەکێ زانکۆیا دهۆک دگەل دوو مامۆستایان پەرتۆکەکا گرنگ ل دۆر یاسایا نیڤدەولەتیا تایبەت ب هندەک جۆرێن ناکۆکیان ڤە بەرهەڤکریە، ئەڤ پەرتۆکە بوویە پرۆگرامێ خواندنێ بۆ قوتابیێن کولیژا یاسایێ ل زانکۆیا سلێمانیێ و چەندین زانکۆیێن دی.

مامۆستایێ کولیژا یاسایێ ل زانکۆیا دهۆک د. عەبدوللا فازل میرانی، ب هەڤکاری دگەل د. محەمەد جەلال مامۆستایێ کولیژا یاسایێ ل زانکۆیا سلێمانیێ، و د. عەبدولرەسۆل عەبدولرەزاق ئەسەد ل کولیژا یاسایێ ل زانکۆیا بابل، پەرتۆکەک ب زمانێ عەرەبی بەرهەڤکریە ب ناڤونیشانێ (یاسایا نیڤدەولەتی یا تایبەت: ململانێیا یاسایا، ململانێیا تایبەتمەندیا دادوەریا نیڤدەولەتی، بجهئینانا حوکمێن بیانی)، ئەڤ پەرتۆکە بوویە پرۆگرامێ خواندنێ بۆ قوتابیێن کولیژا یاسا ل زانکۆیا سلێمانیێ و چەندین زانکۆیێن دی.

د. عەبدوللا فازل میرانی هەڤنڤیسەرێ پەرتۆکێ و مامۆستایێ کولیژا یاسایێ ل زانکۆیا دهۆک دەربارەی ناڤەرۆکا پەرتۆکێ دیارکر "بابەتێن ڤێ پەرتۆکێ گرێداینە ب پەیوندیێن کەسێن بیانی یێن تایبەت، وەک پەیوەندیێن بارێ کەسایەتی و پەیوندیێن شارستانی وبازرگانی و ئاریشا ڤان پەیوەندیا د هندێ دایە کو گرێدای پتر ژ یاسەیەکێ و دادکەهەکێنە، و پرسیارێن گرنگ سەبارەت ڤان پەیوەندیا ئەون کا کیژ یاسا دی هێتە بجهئینان و کیژ دادگەهێ دێ دەستهلات هەبیت تەماشای سکالایێن وان بکەت و دێ چەوا حوکمێ دادوەری هێتە بجهئینان ئەگەر بیانی بیت؟".

ژ لایێ خۆ ڤە، محەمەد جەلال مامۆستایێ کولیژا یاسا ل زانکۆیا سلێمانیێ، گۆت "ئەڤ پەرتۆکە د بوارێ بابەتێ ململانێیا یاسایێن نیڤدەولەتی دایە کو گرنگترین بابەتێن یاسایا نیڤدەولەتیا تایبەتە کو ئەرکەکێ سەرەکی هەیە بۆ دیارکرنا وان یاسایا یێن کو پێدڤیە بهێنە پەیرەوکرن د ناڤ هندەک یاسایێن ناکۆک دا".

هەروەسا د. محەمەد جەلال دیارکر "ئەڤ پەرتۆکە بۆ دیارکرنا تایبەتمەندیا نیڤدەولەتی یا دادگەهێن نیشتیمانیە، هەروەسا بۆ وێ یەکێ یە کا تا چ رادە یاسادانەرێ نیشتیمانی رێکێ ددەتە بجهئینانا حوکمێن دادوەرێن بیانی، د دەمەکی دا یاسادانەرێن ئیراقی تایبەتمەندیا دادوەریا نیڤدەولەتی ب تمامی رێکنەخستیە".

دهێتە زانین یاسایا تایبەت یا نیڤدەولەتی وەک بوارەکێ ئەکادیمی، کۆمەکا بابەتا بخۆڤەدگریت ئەوژی: (رەگەزنامە، وار، بارێ کەسێ بیانی، ململانەیا یاسایا، ململانیا دادوەری یا نیڤدەولەتی یا دادگەهێن نیشتمانی، بجهئینانا حوکمێن دادوەری یێن بیانی). ئەڤ پەرتۆکە هەر شەش بابەتێن ناڤهاتی بخۆڤەدگریت و ژ دوو پشکا پێکدهێت، پشکا ئێکێ هەرسێ بابەتێن دەستپێکێنه و پشکا دووێ سێ بابەتێن دویماهیێنە. ئەڤ پەرتۆکە ژ لایێ رێبوار محەمەد رەشید مافپەروەر و شارەزایێ دادوەری هاتیە وەرگێران بۆ زمانێ کوردی.