سهرۆكێ زانكۆیا دهۆك، د. داود سلیمان ئهتروشی، د ههڤدیتنهكی دا داخاز ژ جڤاتا رهوشهنبیری یا بریتانی كر، د هاریكاربن دگهل زانكۆیا دهۆك دبیاڤێ راهێنان و پێشخستنا شیانێن مامۆستایان و سهركێشێن زانكۆیێ و پێشخستنا مهنههجێ خاندنێ، و ههروهسا د هاریكاری كرنا كۆلیژا پهروهردا بنیات دبیاڤێ بلندكرن و باشتركرنا كوالیتیا خاندنێ و رێكێن وانهگۆتنێ بۆ بهرههڤكرنا مامۆستایێن باشتر بۆ پهروهردێ.
ئهڤ ههڤدیتنا سهرۆكێ زانكۆیێ دگهل شاندهكێ جڤاتا رهوشهنبیری یا بریتانی ل عیراقێ، كو پێك هاتبوو ژ نشوان محمد و اكرم عزالدین دانیال، رێڤهبهرێن پرۆژان ل ڤێ جڤاتێ، كو ل رۆژا 13/10/2021 سهرهدانا سهرۆكاتیا زانكۆیا دهۆك كربوو.
نشوان محمد دیاركر د سهرهدانا خۆدا بۆ زانكۆیا دهۆك وان دڤیا سهرۆكێ زانكۆیێ ببینن بۆ دانوستاندنێ ل سهر پرۆژێن نوكه ئهو كاری ل سهر دكهن د بیاڤێ خاندنا بلند دا، ئهو ژی چهند پرۆژهنه دێ ل کوردستانێ و عیراقێ ههمیێ هێنه بجهئینان، ب تایبهت دگهل زانكۆیا دهۆك كو ئێك ژ زانكۆیێن خودان شیانە و ئهو پشكێن پێدڤی دپرۆژهی دا كار ل سهر دكهن یێن ل زانكۆیا دهۆك ههین. ئهو ژی دیاركر كو پرۆژێن وان دوو جۆرن، ئێك ل سهر ئاستێ خاندنا بلند كا چاوا زانكۆیان ببهنه قووناغهكا باشتر ژ رویێ نێڤدهولهتی ڤه، پرۆژهك ژی ل سهر پشكێن زانستیه بۆ زێدهكرنا هندهك مهنههجێن پێدڤی.
سهرۆكێ زانكۆیا دهۆك بهرههڤیا زانكۆیێ دیاركر بۆ پشكداری كرنێ دڤان پرۆژان دا، و هەروەسا دایە خۆیاکرن كو زانكۆیا دهۆك سهربۆرهكا سهركهفتی یا دگهل ڤان جۆره پرۆژان ههی دگهل بریتانیا، و ئهو پرۆژێن ب پشتهڤانیا بریتانیا ل زانكۆیا دهۆك هاتینه ئهنجامدان د سهركهفتی بووینه.
د. داود سلیمان د بەردەوامیێ دا گوت: ئهم دخازین ئەڤ ههڤكاریە یا بهردهوام بیت و پرۆژێن خۆ یێن گرێدایی خاندنا بلند ل زانكۆیا دهۆك ئهنجام بدهن. بهحسێ وێ چهندێ ژی كر كو زێدهباری ڤان بیاڤان ههروهسا دبیاڤێ خاندنێن ئاشتیێ دا ئهم دێ دهاریكار بین بۆ دروستكرن و پێشخستنا مهنههجێن ڤی جۆرێ خاندنێ بو تەڤاهیا عیراقێ.