وەزارەتا خواندنا بلند و ڤەكۆلینێن زانستی دەرفەتێن خواندنا ماستەر و دكتۆرایێ ل وەلاتێ كۆریا باشوور بۆ فەرمانبەرێن وەزارەتێ رادگەهینیت، ئەڤ دەرفەتە ژی د چارچووڤێ وی پرۆژەکێ هەڤپشك دا یە د ناڤبەرا سێكتەرێن ڤەكۆلینێن پێشخستنا نیڤدەولەتی دا یا كۆریا باشوور و حكومەتا هەرێما كوردستانێ.
خواندنا ماستەر و دكتۆرایێ ژ بوارێن ( سیاسەتا گشتی، سیاسەتێن پەرەپێدانێ و رێڤەبرنا گشتی) پێکدهێت.
لدویڤ رێنمایێن وەزارەتا خواندنا بلند، هەر کەسێ مەرجێن ل خوارێ دیاركری ل دەف هەبن و ئارەزوویا خواندنێ ل زانكۆیێن وەلاتێ كۆریا باشوور هەبیت، دشێت ب رێیا ڤی لینكێ ل خوارێ داخوازییا خوە پێشكێشبكەت:
https://www.kdischool.ac.kr/admissions
مەرجێن خواندنێ بۆ ماستەرێ ئەڤێن ل خوارێنە:
- پێدڤیە پێشكێشكار وەلاتیێ هەرێما كوردستانێ بیت.
- پێدڤیە ب كێمی دوو سالێن خزمەتێ هەبن پشتی بدەستڤەئینانا دویماهی باوەرنامە.
- ئاستێ شیانێن زمانێ داخوازكری ژ بەرنامەیەكی بۆ بەرنامەیەكێ دی یێ جیاوازە، لەورا پێدڤیە هەمی هویركاریێن ئەوی بەرنامەی بخوینن یێن داخوازیێ بۆ پیشكێشدكەن.
- پێدڤیە داخوازكەر ل هەمان بوارێ خوە داخوازیێ بۆ بەرنامێ ماستەرێ پێشكێشبكەت ( ئانكو بەكالریۆس و ماستەرا وی د هەمان بوار دا بیت).
- کەسێ سەركەڤتی ژلایێ وەزارەتا خواندنا بلند ڤە بتنێ دێ مۆلەتا خواندنێ پێ هێتەدان، واتە ب مووچەیێ بنەرەتی و دەرمالەیێن جێگیر.
- كاندیدێ سەركەڤتی ژلایێ وەلاتێ كۆریا باشوور ڤە دێ پشتەڤانییا دارایی لێ هێتەكرن.
مەرجێن خواندنێ بۆ دکتۆرایێ ئەڤێن ل خوارێنە:
- پێدڤیە پێشكێشكار وەلاتیێ هەرێما كوردستانێ بیت.
- پێدڤیە پێشكێشكاری ب كێمی دوو سالێن خزمەتێ هەبن پشتی بدەستڤەئینانا دویماهی باوەرنامە، ژبلی وان كەسان یێن باوەرناما خوە یا ماستەرێ د چارچووڤێ بەرنامێ تواناسازی دا بدەستڤەئینای، لەورا پێدڤیە پابەندی گرێبەستێ ئیمزاكری ببن.
- ئاستێ شیانێن زمانێ داخوازكری ژ بەرنامەیەكی بۆ بەرنامەیەكێ دی جودایە، لەورا پێدڤیە هەمی هویركاریێن ئەوی بەرنامەی بخوینن یێن داخوازیێ بۆ پیشكێشدكەن.
- پێدڤیە داخوازكەر ل هەمان بوارێ خوە دا داخوازییێ بۆ بەرنامێ دكتۆرایێ پێشكێشبكەت (ئانكو ماستەر و دكتۆرایا وی د هەمان بوار دا بیت).
- کەسێ سەركەڤتی ژلایێ وەزارەتا خواندنا بلند ڤە بتنێ دێ مۆلەتا خواندنێ پێ هێتەدان، واتە ب مووچەیێ بنەرەتی و دەرمالەیێن جێگیر.
- کەسێ سەركەڤتی ژلایێ وەلاتێ كۆریا باشوور ڤە دێ پشتەڤانیا دارایی لێ هێتەكرن.
تێبینی:
- پێشكێشكرن راستەوخۆ و بتنێ ب رێیا مالپەرێ سەرەكی یێ لسەری ئاماژەپێکری بیت.
- قوتابیێن سەركەڤتی پشتی بدەستڤەئینانا دەرفەتا خواندنێ، پێدڤیە سەرەدانا وەزارەتا خواندنا بلند و ڤەكۆلینێن زانستی _ رێڤەبەرییا هنارتیان بكەت بۆ برێڤەبرنا مامەلێن مۆلەتا خواندنێ.
- هەركەسێ مەرج و رێنمایێن لسەری دیاركری لدەف نەبن، مۆلەت پێ ناهێتەدان.
بۆ هەر زانیاریەكێ، سەرەدانا مالپەرێ ل خوارێ بکەن: