![](/media/images/5000_Students.max-1300x1000.jpg)
حکومەتا عێراقێ پلانا هنارتنا پێنج هزار قوتابیان بو دەرڤەی وەڵاتی بو خواندنا ماستەر و دکتورایێ ئاشکرا دکەت و بەشەکێ بەرچاڤ ژی بو ئەمریکایە. وەزارەتا خواندنا بلند و ڤەکۆلینێن زانستی یا هەرێما کوردستانێ دوپاتکر کو هەرێما کوردستانێ دی ژ سوودمەندێن ڤێ دەستپێشخەریێ بن.
ئەڤ ڕاگەهاندنە پشتی ڕاگەهاندنا لژنا باڵا یا پەرەپێدانا پەروەردێ ل عێراقێ دهێت ل ١٥ـی ئەیارا ٢٠٢٣ـێ، بۆ پێشکێشکرنا داخوازیان ژ بو وەرگرتنا ٥٠٠٠ سکۆلەرشیپا ب ئارمانجا خواندنێ ل دەرڤەی وەڵاتی. ساڵا چووی دەسپێکرنا پڕوگرامی بوو ب ٤٠٠ سکولەرشیپا، ئەڤ ساڵە دەستپێکرنا قۆناغا دووێ یە، کو دەرفەتا بدەستڤەئینانا باوەڕناما ماستەر و دکتۆرایێ ل سەرانسەری بەشێن جیاواز دا پێشکێش دکەت.
هین دشین هەر ژ ١ـی خزیرانا ٢٠٢٤ـێ هەتا ٣٠ـی خزیرانا ٢٠٢٤ـێ ب رێکا ڤێ لینکێ ل خوارێ داخوازیان پێشکێش بکەن:
د ماوەیێ سەرەدانا شاندێ دوماهیێ دا ب سەرۆکاتیا محەمەد شیاع سودانی بو ئەمریکا، لژنا هەماهەنگیا عێراقێ و ئەمریکا ل ١٥ـی نیسانا ٢٠٢٤ـێ کۆمبوون و ب هەڤپشكی ڕاگەهاند، ژ سەرجەمێ پێنج هزار قۆتابیان، سێ هزار ژ وانا دێ هێنە ڕەوانەکرن بۆ دەرڤەی وەڵاتی.
عەباس ئەکرەم، پەیڤدارێ وەزارەتا خواندنا بلند و ڤەکۆلینێن زانستی یا حکومەتا هەرێما کوردستانێ، ڕۆژا ٢٧ـی نیسانا ٢٠٢٤ـێ بو ژێدەران دووپاتکر، کو بڕیارە قۆتابیێن هەرێما کوردستانێ سوودمەند بن ژ پڕوگرامێ سکۆلەرشیپا حکومەتا عێراقێ.تا نوكە، ٤٨ قۆتابیێن هەرێمێ مفا یێ ژ ڤێ دەرفەتێ وەرگرتی.
هین دشین هەر ژ ١ـی خزیرانا ٢٠٢٤ـێ هەتا ٣٠ـی خزیرانا ٢٠٢٤ـێ ب رێکا ڤێ لینکێ ل خوارێ داخوازیان پێشکێش بکەن:
راگەهاندنا زانكۆیا دهۆك، 28ـی نیسانێ، 2024