کولیژا زانستێن مرۆڤایەتی ئاگەهداریا وان قوتابیان دکەت ئەوێن حەزا خواندنێ ل هەر ئێک ژ پشکێن (دراما، هۆنەرێن شێوەکاری، پەروەردا ئاینی) هەین، بۆ سالا خواندنێ (٢٠٢٢ - ٢٠٢٣)ـێ، دەست ب بەلاڤکرنا فۆرمێن پێشکێشکرنێ هاتیە کرن،
بۆ وەرگرتنا فۆرما پێشکێشکرنێ سەرەدانا پشکێن ناڤهاتی بکەن.
مەرجێن پێشکێشکرنێ بۆ (پشکا دراما و پشکا هونەرێن شێوەکاری):
١- پێدڤیە قوتابی دەرچوویێ پەیمانگەها هۆنەرێن جوان بیت ل سالا خواندنێ (٢٠٢٠-٢٠٢١) و (٢٠٢١-٢٠٢٢)، هەروەسا پێدڤیە تێکراییێ قوتابی ژ (٦٥)ـێ کێمتر نەبیت.
٢- پێدڤیە دەرچوویێ ئامادەیی یێ سالا خواندنێ (٢٠٢٠-٢٠٢١) و (٢٠٢١-٢٠٢٢) بیت، تێکراییێ قوتابی ژ (٦٠)ـێ کێمتر نەبیت.
٣- قوتابیێ بەهرەمەند ژی، پێدڤیە دەرچوویێ ئامادەیی یان پەیمانگەهێ بیت و ئەندامێ کارا یێ سەندیکا هۆنەرمەندێن کوردستانێ بیت، تەمەنێ وی ژ (٣٥)سالا زێدەتر نەبیت.
٤- قوتابیێ ب شێوێ پارالێل پشکێن ناڤبری دکەت، پێدڤیە تێکراییێ وی ژ (٥٥)ـێ کێمتر نەبیت.
٥- قوتابیێن دەربازی خولا دووێ ژی بووین، دشێن فۆرمێ وەربگرن.
مەرجێن پێشکێشکرنێ بۆ (پشکا پەروەردا ئاینی):
١- پێدڤیە دەرچوویێ ئامادەیی (زانستی، وێژەیی) یێ سالا خواندنێ (٢٠٢٠-٢٠٢١) و (٢٠٢١- ٢٠٢٢) بیت، تێکراییێ وی ژ (٦٠)ـێ کێمتر نەبیت.
٢- پێدڤیە قوتابیێ دەرچوویێ پەیمانگەها ئاینی یان پەروەردا ئاینی بیت .
٣- قوتابیێن دەربازی خولا دووێ ژی بووین دشێن فۆرمێ ل کولیژا ناڤبری وەربگرن.
بەلگەنامێن پێدڤی :
- دوو وێنە.
- کارتا نشتیمانی یان بەلگەناما بارێ شارستانی دگەل ناسناما ئیراقی.
- کارتا پێزانینان.
- پێدڤیە قوتابیێن ئامادەیی ( کارتا ئەزموونان) دگەل دا بیت.
ژڤانێن دەستنیشانکری بۆ تاقیکرنێ ل دویڤ ڤی شێوازێ ل خوارێنە:
پشکا دراما:
- دەرچوویێن پەیمانگەها هۆنەرێن جوان، بەهرەمەند، پارالێل، ل رۆژا سێشەمبی رێکەڤتی (٣٠/٨/٢٠٢٢) دێ تاقیکرنان ئەنجامدەن.
- دەرچوویێن ئامادەیی، ل رۆژا چوارشەمبی رێکەڤتی (٣١/٨/٢٠٢٢) دێ تاقیکرنا ئەنجامدەن.
پشکا هۆنەرێن شێوەکاری:
- دەرچوویێن پەیمانگەها هونەرێن جوان، ل رۆژا سێشەمبی رێکەڤتی (٣٠/٨/٢٠٢٢) دێ تاقیکرنا ئەنجامدەن.
- قوتابیێن بەهرەمەند، ل رۆژا چوارشەمبی رێکەڤتی (٣١/٨/٢٠٢٢) دێ تاقیکرنا ئەنجامدەن.
- دەرچویێن ئامادەیی، ل رۆژا پێنجشەمبی رێکەڤتی (١/٩/٢٠٢٢) دێ تاقیکرنا ئەنجامدەن.
پشکا پەروەردا ئاینی:
- تاقیکرنا تیۆری، ل رۆژا پێنجشەمبی رێکەڤتی (١/٩/٢٠٢٢).
- تاقیکرنا زارەکی، ل رۆژا ئێکشەمبی رێکەڤتی (٤/٩/٢٠٢٢).
دویماهی ژڤان بۆ پێشکێشکرنێ ٢٨/٨/٢٠٢٢.
بۆ زانیاری و رۆنکرنێن زێدەتر سەرەدانا پشکێن ناڤهاتی بکەن.