زانکۆیا دهوک خوشحالە ب پێشکێشکرنا پرۆگرامێ قۆتابیێ بیانی )فۆلبرایت بو ساڵا ٢٠٢٥-٢٠٢٧(، کو نۆکە یا ڤەکریە بۆ دەرچوویان بۆ پێشكێشكرنێ. ئەڤ دەرفەتا زێرین ڕێکێ ب دەرچوویێن عێراقی و گەنجێن پیشەگەر ددەدت بڕواناما خو یا ماستەرێ د بوارێن جیاواز دا ل زانکۆیێن ب ناڤودەنگێن ئەمریکا ب دەستڤە بینن. د دەمەکی دا کو ب شێوەکێ بنەڕەتی هەمی بوارێن خواندنێ ب خو ڤە دگریت، ژبلی زانستێن پزیشكی.
ئەڤ پرۆگرامێ سکۆلەرشیپێ بێ بەرامبەر هەتا دوو ساڵ خواندنا ماستەرێ ل ئەمریکا دابین دکەت، کو ل پاییزا ٢٠٢٥ دەستپێدکەت.
مەرجێن پێشكێكرنێ:
پێكێشكەر پێدڤییە:
- هاوڵاتیێ/یا عێراقێ بیت و نیشتەجهێ/ا عێراقێ بیت.
- هەڵگرێ/ا باوەرناما بەکالۆریۆسێ بێت ل دامەزرایەکا خواندنا بلند یا باوەڕپێکری.
- خاودانێ/ا ئەزموونا کارکرنا پشتی دەرچوونێ ب کێمی دوو ساڵان بیت.
- شارەزا بیت د زمانێ ئینگلیزی دا ب نمرەیا پێشنیارکریا TOEFL 80 یان پتر (ب رێكا ئینترنێتی) یان 550 یان پتر (ل سەر كاغەزی)، هەرچەندە ل دەستپێکێ نمرە پێدڤی نینن. کاندیدێن سەرکەفتی ل دویڤ دا تاقیکرنا تۆفلێ پێ دهێتە کرن (ب پالپشتیا پرۆگرامی).
- نڤیسینا ئارمانجا ڤەکۆلینا ڕەسەن و لێدوانا کەسی. کۆپیکرن ژ ئینتەرنێتێ یان هەر ژێدەرەكێ دی قەدەغەیه و ب دزیکرنێ دهێتە هژمارتن.
چەوانیا پێشکێشکرنێ:
بۆ پێشکێشکرنێ بۆ پرۆگرامێ ٢٠٢٥-٢٠٢٧، هیڤیدارین سەرەدانا ڤێ لینکێ ل خوارێ بکەن بۆ دروستکرنا ئەکاونتێ بکارهێنەری/ێ و پڕکرنا فۆڕمێ داخوازکەری/ێ: https://apply.iie.org/ffsp2025
تاکە بوارێن پزیشکی کو د پرۆگرامیدا بەردەستن بریتینە ژ زانستێ دەمارا، تەندروستیا گشتی، دەرمانناسی، فیزیۆلۆجی، دەروونناسی و کارێ کۆمەڵایەتی. پزیشکی، پزیشکیا ددانان، دەرمانسازی، یان پەرستاری د ماوێ دوو ساڵان دا ناهێنە بدوماهیک ئینان و پێداویستیێن کلینیکان و کارلێکا نەخۆشی بخۆڤەدگریت کو لدویف ڕێنمایێن ڤیزەیا J-1 ڕێ پێدان نینە.
تێبینی: سپۆنسەریا J Visa ب تنێ دێ پێشکێشی وەرگرێ/ا سکۆلەرشیپا فولبرایت یا عێراقی هێتەکرن. خودانێ ڤیزەیا J-2 (هەڤژین و زارۆكێ كێمتر ژ 21 ساڵان) نەشێن دگەل وەرگرێ/ا سکۆلەرشیپا عێراقی بن د پرۆگرامێ خواندنا وان دا.
دوماهیک ژڤان بۆ پێشکێشکرنێ 1ـی گولانا 2024ـه.
بو پتر زانیاریان هیڤیدارین سەرەدانا لینکێ ل خوارێ بکەن:
https://drive.google.com/file/d/1bOIDxImoWAVuhFKh64If3Mk0QpYtSEVm/view?usp=drive_link