ل ژێر دروشمێ "سەرەرای ئاستەنگا پێكڤە بۆ پێشڤەبرنا زانستێن پزیشكیا ددانا" و ب چاڤدێریا سەرۆكێ زانكۆیا دهۆك پروفیسور د. مسلح دهۆكێ كۆلیژا پزیشكیا ددانان ب هەڤكاری دگەل سەندیكا نوژداریا ددانا لقێ دهۆك و رێڤەبەریا گشتی یاساخلەمیا دهۆك كورێ زانستی ل دور پركرنا ددانا ل روژا 11-5-2016 ل هۆتێلا شیراتون گێرا.
د. بهار جەعفەر راگرا كۆلیژا پزیشكیا ددانان گوت مەرەما مە ژ گێرنا ڤی كوربەندی زانستی ئەوە ئەم پێزانینێن گشتی یێن نوی بەلاڤ بكەین ل سەر نوژدارێن ددانا هەروەسا نووترین رێ یێن پركرنا رهێن ددانا یێن دهێنە بكارئینان ل جیهانێ شروڤە بكەین.
سەرۆكێ زانكۆیا دهۆك پروفیسور د. مسلح دهۆكێ دیاركر كۆلیژا پزیشكیا ددانان بەردەوام د پێشڤەچوونێ دایە و ئێك ژ ئارمانجێن زانكۆیا دهۆك دروستكرنا دەرفەتا یە بو مفا وەرگرتنێ ژ پێشڤەچوونا تەكنولوژیا زانستی بتایبەت زانستێ پزیشكی.
د. نزار عسمەت رێڤەبەرێ گشتی یێ ساخلەمیا پارێزگەها دهۆك گوت سازدانا كورەكێ زانستی بۆ نوژدارێن ددانا نیشانا پێشكەفتنا زانستی یە ل دهۆكێ و پێشڤەبرنا كەرتێ ساخلەمیا ددانا یە، ئینانا پسپورێن شارەزایێن نێڤ دەولی بۆ گەهاندنا پەیاما زانستی ل دور پركرنا رهێن ددانا بێگومان مفایەكێ گەلەك باش دێ گەهینیتە هەمی نوژدارێن ددانا یێن پارێزگەها دهۆك.