ل رۆژا 12/3/2019 یاداشتەكا لێك تێگەهشتنێ دناڤبەرا زانكۆیا دهۆك و زانكۆیا نەورۆز ل سەرۆكاتیا زانكۆیا دهۆك هاتە ئیمزاكرن.
ل رێورەسمێن ئیمزاكرنێ دا سەروكێ زانكۆیا دهۆك پ. د. مصلح دهۆكی دیاركر كو ئیمزا كرنا ڤێ یاداشتێ ژ بۆ هاریكاری كرنا زانكۆیا نەورۆزە ژلایێ زانكۆیا دهۆك ڤە د هەمی بیاڤێن زانستی دا، هەروەسا ژ بۆ پتر خۆرتكرنا پەیوەندیان و ئالوگۆركرنا مامۆستا و ئەنجام دانا چالاكیێن هەڤپشك.
ژ زانكۆیا نەورۆز سەروكێ زانكۆیێ د. عزت فندی و چەند راگرێن كۆلیژێن زانكۆیا نەورۆز بەرهەڤی ڤان رێورەسمان ببوون، ل دووماهیێ ژی سەرۆكێن هەردوو زانكۆیان لۆگۆیێن زانكۆیان پێشكێشی ئێك و دوو كرن.