زانکۆیا دهۆک پێنگاڤەکا گرنگ هاڤێت بەرەڤ بهێزكرنا گشتگیریێ ل خواندنا بلند د چارچوڤێ روینشتنەکا ڤەکری یا تایبەت ب چەوانیا گەهشتنا کەسێن خودان پێدڤیێن تایبەت ب خزمەتێن خواندنا بلند دا ب رێکا دانانا سەنتەرەکێ پێگەهشتنێ ل زانکۆیا دهۆک.ئەڤ روینشتنە هاتە ئەنجام دان ل ١٠ خزیرانا ٢٠٢٤ ل سەنتەرێ کۆنفرانسان ل زانکۆیا دهۆک. کەسانێن بەرژوەندێن سەرەکی یێن ڤێ روینشتنێ نوینەرێن رێکخراوا ئەمیدیست و ئەندامێن پشكا پەروەردا تایبەت ل کۆلیژا پەروەردە بنیات.
ل دەستپێکێ، د.داوود سلێمان ئەتروشی، سەرۆکێ زانکۆیا دهۆک، بخێرهاتنا ئامادەبوویان کر و پێگیریا زانکۆیێ ب هاندانا خودان پێدڤیێن تایبەت دووپات كر.
د.سەباح وەیس و د. دلۆڤان بەرواری مێڤانێن بەرێز ژ حکومەتا هەرێما کوردستانێ پشتگێریا خو دیارکر بو ڤێ پێنگاڤا مرۆڤایەتی و سوزدان پشتگێریا ڤێ هەڤکاریێ بکەن ئەوا د ناڤبەرا زانکۆیا دهۆک و زانکۆیا پۆلیتەکنیکی دهۆک (DPU) بۆ پێشئێخستنا پرۆژێ شیانێن پێگەهشتنێ.
هەروەسا، د ڤێ روینشتنێ دا هەر ئێک ژ خانم کوینسی دێرمودی و خانم دینا موحسن نوینەرێن رێکخراوا ئەمیدیست بەحسێ ئەزمۆنێن خو کرن دگەل پرۆژێ فێربوونا گشتگیر ل مسرێ. ژ لایەکێ دی ڤە، رۆناهی ئێخستنە سەر گرنگیا شیاندنا پشكداریا تمام و یەكسانی یا دەرفەتان بۆ خودان پێدڤیێن تایبەت د کومەلگەهێ دا. ژ بلی ڤێ چەندێ، ئاماژە ب ڤەکرنا سەنتەرێن ئاسانکاری یێن پێگەهشتنێ ل زانکۆیێن مسری ئەوا دووپاتێ دکەت ل سەر زێدەییا داخوازیان بەرەڤ خواندنا بلندا گشتگیر ڤە.
هەروەسا، د ڤێ روینشتنێ دا بەحسی پشكا پەروەردا تایبەت هاتە کرن ل کۆلیژا پەروەردا بنیات ل زانکۆیا دهۆک، دگەل هویربینیێن هەڤکاریا وێ دگەل زانکۆیا کارل فون ئۆسیتسکی یا ئەلمانی، ئۆلدنبورغ، ب ئارمانجا وێ چەندێ کو هندەک ماموستایان بەرهەڤ کەن بۆ پشتگێریا خودان پێدڤیێن تایبەت. سەرکەفتنا ڤێ پێنگاڤێ دیار بوو ب دەرچوونا ٧٨٢ قوتابیێن کچ و کور هەر ژ دەستپێکا دامەزراندنا وێ ل سالا ٢٠١٤.
هەر د ڤێ روینشتنێ دا، ئامادەبوویان گوهداریا سێ قوتابیێن خودان پێدڤیێن تایبەت کرن کو باسی ئەزموونێن خوو یێن ئەرێنی کرن و دووپات ل سەر وێ ژینگەها فەرمانبەر و ماموستایێن زانکویێ پەیدا كری هاتە کرن. هەروەسا، پەیڤێن وان دووپات ل شیانێن خودان پێدڤیێن تایبەت كر د بجهئینانا نموونەییا ئەکادیمی دا.
ئەڤ روینشتنە وەکی پلاتفۆرمەكێ بوو بۆ کومڤەکرنا بوچوونان دەربارەی رەوشا خودان پێدڤیێن تایبەت ل ناڤ زانکۆیا دهوک و زانکۆیا پۆلیتەكنیكی یا دهوک وسیستەمێ بەرفرەھتر یێ خواندنا بلند، و د چوارچوڤێ پێگریا هەڤپشک، هەمی پشكداران سوز دا کو پێرابونێن پيدڤی ئەنجام بدەن بو بهیزكرنا دەستپێشخەریا شیانێن پێگەهشتنێ و گرنتیا یەكسانی یا دەرفەتان بۆ هەمی ئەندامێن جڤاکێ ئەکادیمی.
ل دۆماهیێ، ڤێ روینشتنا ڤەکری جەخت ل سەر رژدیا زانکۆیا دهۆک كر ل سەر پەیداكرنا ژینگەهەکا گشتگیر و پشتگیر کر کو خودان پێدڤیێن تایبەت پێش بکەڤن ب شێوەیەکێ بەرجاڤ د جڤاکێ ئەکادیمی دا.
بۆ دیتنا وێنان ب كوالیتیەكا بەرز، سەرەدانا لینكێ ل خوارێ بكە:
: https://drive.google.com/drive/folders/1xs_V4saSJQGjUajd1ldmyl-WFiTwx-l6
راگەهاندنا زانكۆیا دهۆك، 11ـی خزیرانێ، 2024
فاطمة محمود
وەرگێران: بارین موحەمەد
فۆتۆ: موحەمەد عەبدولكەریم