د. صباح ابراهیم هاریكارێ سەرۆكێ زانكۆیێ بو كاروبارێن زانستی ئەڤرۆ 3/4/2016 ل هولا كونفرانسان كومبوونەكا بەر فره دگەل هاریكارێن راگرا و سەرۆك پشك و ریڤەبەرێن سەنتەر و رێڤەبەریێن زانكۆیێ ل دور سیستەمێ رێزبەندیا زانكۆیێن كوردستانێ یێ وەزارەتا خواندنا بلند ئەنجام دا.
د.صباح ابراهیم دیاركر" ل سیستەمێ رێزبەندیا زانكۆیێن كوردستانێ ئەوا بار هاتیە ئەنجام دان گەلەك شاشی ژلایێ وەزارەتا خواندنا بلند ڤە هەبوون و هندەك خەلەتی ژی ژ لایێ زانكۆیا دهۆك ڤە هاتبوونەكرن ل سالا بوری لەورا رێزبەندیا زانكۆیا دهۆك نە ل دویڤ ئاستێ زانستی یێ زانكۆیا دهۆك بوو، دڤیت ئەڤ سالە ب شێوەكی دروست كار دڤی سیستەمی دا بێتە كرن پێخەمەت دیاركرنا ئاستێ زانستی یێ زانكۆیا دهۆك یی دروست ".
دهیتە زانین كو وەزارەتا خواندنا بلند ل خزیرانا 2015 دەست ب سیستەمێ رێزبەندیا زانكۆیێن كوردستانێ كریە.