سەرۆكێ زانكۆیا دهۆك پروفیسور د.مسلح دهۆكی ل رۆژا 11-5 -2016 ل سەنتەرێ رەوشەنبیری وجڤاكی یێ زانكۆیا دهۆك كومبونەكا بەرفره دگەل جڤاتا نوی یا زانكۆیێ ئەنجام دا و بخێرهاتنا هاریكارێن سەرۆكێ زانكۆیێ و راگرێن نوی كر هەروەسا سوپاسیا راگرێن بەری نهو كر بۆكاری وان یێ ژ هەژی.
دڤێ كومبونێ دا ژمارەكا بابەتان هاتنە گەنگەشەكرن، ژوان پرۆژێن نوی یێن كەمپا زانكۆیێ و چێكرنا دەرگەهێ زانكۆیێ یێ‌َ سەرەكی، هەروەسا راگرێن كۆلیژان بەحسێ كیشەیێن كۆلیژان كر بتیابەت كارتێكرنا قەیرانا دارایێ لسەر پروژان و ئەڤ قیرانە نە بویە ئاستەنگ كو ئاستێ زانستی بەرەڤ پێشڤە بچیت.
دهیتە زانین ل دویڤ فەرمانا زانكۆیا دهۆك یا ژمارە 2833 ل روژا 5/5/2016 و پالپشتیا ب فەرمانا وەزارەتا خواندنا بلند و ڤەكولینێن زانستی یا ژمارە 503 ل روژا 3/5/2016 بریار هاتە دان لسەر پێرابوونا ڤان بەرێزان د.حجی موسی حسن ب كارێ هاریكارێ سەرۆكێ زانكۆیێ بو كاروبارێن كارگێری و دارایی ب وەكالەت ، د.كمال نعمان ب كارێ راگرێ كۆلیژا چاندنێ ب وەكالەت ، د. قاسم حسو ب كارێ راگرێ كۆلیژا پزیشكی ب وەكالەت ، د. فریدە فریق ب كارێ راگرا كۆلیژا پەرستاری ب وەكالەت ، د. اسماعیل احمد ب كارێ راگرێ كۆلیژا پەروەردا بنیات ب وەكالەت ، د. كرڤان محمد ب كارێ راگرێ كۆلیژا زانستێن مروڤایەتی ب وەكالەت ، د. عزت یوسف ب كارێ راگرێ كۆلیژا زانست ب وەكالەت ، د. لقمان گیب ب كارێ راگرێ كۆلیژا پزیشكی ڤێتێنەری ب وەكالەت هەر ژ روژا 3/5/2016و تا دانانا بەرپرسێن بەردەوام بۆ ڤان پوستێن سەری دیار كری برێكا ئاگەهداریێ و چاڤ پێكەفتنێ .