رۆژا پاقژكرنا باژێرێ‌ دهۆكێ‌ ل زانكۆیا دهۆك هاتە ساخكرن.
April 16, 2018, 9:55 p.m.

ب بەرهەڤبوونا سەرۆكێ‌ زانكۆیا دهۆك پ.د. مصلح محەمەد سەعید دهۆكێ‌ و چەندین رێڤەبەری و ماموستا و فەرمانبەرێن زانكۆیا دهۆك، ئەڤرۆ لرێكەفتی 16-4-2018ێ‌، پشكداربوون ب هەوا پاقژكرنا باژێرێ‌ دهۆكێ‌، ل سەرۆكاتیا زانكۆیا دهۆك و ل هەمی كولیژە و سەنتەر و رێڤەبەریێن سەر ب زانكۆیێ‌ ڤە ئەڤ رۆژە ب چەندین چالاكیێن جودا جودا ساخكر.

بڤێ‌ مەرەمێ‌ سەرۆكێ‌ زانكۆیا دهۆك پ.د. مصلح محەمەد سەعید دهۆكێ‌ گۆت:" ئەڤرۆ هاتیە دەستنیشانكرن وەك روژا پاڤژكرنا باژێرێ‌ دهۆكێ‌ ، كۆ هەر كەسەك و مالەك و رێڤەبەریەك ل دەردۆرێن خۆ پاقژ بكەت ژبۆ پاراستنا ژینگەهێ‌ و تەندروستیا خۆ".

سەرۆكێ‌ زانكۆیا دهۆك زەلالكر:" پاڤژی ژ ئیمانێ‌ یە، ژبەر هندێ‌ گرنگە هەر كەسەك هزرا پاڤژكرنێ‌ دهەر دەمەكیدا بكەت و جوانیا باژێر و جهێ‌ خۆ ب پاڤژی پارێزیت، ژبەر ڤێ‌ ئێكێ‌ سەرۆكاتیا زانكۆیا دهۆك و هەمی كولیژێن سەر ب زانكۆیێ‌ ڤە رابووین ب هەوا پاقژكرنا دەردۆرێن خۆ و ئەڤ پێنگاڤە ژبۆ نەهێلانا پیساتیێ‌ یە ل جه و باژێرێ‌ دهۆكێ‌، دیسان ژینگەه ب پاڤژكرنێ‌ دئێتە پاراستن و دبیتە ئەگەرێ‌ كێم بوونا ئێشان".

راگەهاندنا زانكۆیا دهۆك: هەلز عەلی سەلیم