ب بەرهەفبوونا سەرۆكێ زانكۆیا دهۆك پ.د. مسلح محەمەد سەعید دهۆكی و مامۆستا و فەرمانبەرێن زانكۆیا دهۆك، لژێر درووشمێ (داهێنەری بنیاتێ پێشڤەبرنا زانستی یە) كولیژا پزیشكی ددان ب هەماهەنگی دگەل سەرۆكاتیا زانكۆیا دهۆك ووركشوپەكا تایبەت لسەر چەوانیا پێشكێشكرن بۆ بدەستڤەئینانا داهێنانێن زانستی پرێڤەبر.
د. بهار جەعفەر، راگرا كولیژا بزیشكی ددان ل زانكۆیا دهۆك گۆت:دوو كەسیێن پسبور دبوارێ داهێنانێ دا ئەندازیار (وسام سەعید) رێڤەبەرێ پشكا ملكیەتا پیشەسازی ل جهازێ ناڤەندێ یێ كوالیتی كنترۆل ل وەزارەتا پلان دانانێ ل عیراقا فیدرال و ئەندازیار (ئەشرەف حەمید) سكرتێرێ یانایە داهێنەرێن عیراقێ بەحسی ل بابەتێ داهێنانا زانستی (براعە الاختراع) كر و ئەڤ بابەتە بۆ وی ستافی هاتە بەحسكرن یێن گرێدان ب بابەتی ڤە هەیی.
ب سالاهان نامەیێن دكتورایێ و ماستەرێ ل زانكۆیا دهۆك دەردكەفن و ئەڤ نامە دئێنە ئەرشیفكرن ل پەرتۆكخانا و دبیت مفایێ پێدڤی ژێ نەئێتە وەرگرتن وەكی د. بهار جەعفەر گۆتی: مە مامۆستا و فەرمانبەر و قۆتابیێن زیرەك و داهێنەر هەنە، تا نوكە بەرهەم و وەستیانا وان ئێتە بەرزەكرن، لەوا گرنگە ئەڤ بەرهەمە بهێنە بەرچاڤكرن و ئێدی ئەڤ كارێن داهێنەری بجنە د قالبێ داهێنانا زانستی دا.
راگەهاندنا زانكۆیا دهۆك: هەلز عەلی سەلیم