پشکا هۆنەرێ شێوەکاری ل كولیژا زانستێن مرۆڤایەتی ل زانکۆیا دهۆک ئەڤرۆ رێكەڤتی ٢٩/٣/٢٠٢٢ پێشانگەها تایبەت ب ناڤێ (مللەتێ کورد ب کوشتنێ ناهێتە ژناڤبرن) بۆ قوتابی زانا ئەنەس عەبدوللا هاتە ڤەكرن.
ئەڤ پێشانگەهە ب ئامادەبوونا مامۆستا و قوتابیێن پشكا شێوەكاری، ژلایێ راگرێ كولیژا زانستێن مرۆڤایەتی د. مزگین محەمەد حەسەن ڤە هاتە ڤەكرن و د رێورەسمێن ڤەکرنێ دا گۆت: "دەستخۆشیێ ل پشكا هۆنەرێێ شێوەكاری دكەین ب ئەنجام دانا ڤێ چالاكیێ و هەروەسا دەستخۆشیێ ل قوتابی زانای دكەین كو ب هژمارەكا تابلۆیان دەربرینی ژ ئێش و ئازارێن مللەتێ كورد و شیان خۆراگریا وان بەرامبەر دوژمنێن گەلێ كورد کری.
پێشانگەهـ ژ ١٤ تابلۆیان پێكدهێت و دگەل نیشاندانا تابلۆیەكێ زندی كو دەربرینێ ژ زەلامەكێ كورد دكەت دەمێ دهاتە ئەشكەنجەدان، زانا ئەنەس قوتابیێ قۆناغا دووێ ل پشكا هۆنەرێێ شێوەكاری، گۆت: "پێشانگەهـ دێ بو ماوێ دوو رۆژان بیت، تابلۆ ب ستایلێن جودا هاتینە چێکرن و هەمی دەربرینێ ژێ ئازارێن مللەتێ كورد دكەن كا چەند نەخۆشی و دەردەسەری دیتینە، من بفەر دیت ئەز ب رێکا تابلۆیێن خۆ پەیامەكێ بگەهینمە وان كەسێن تەماشادکەن كو ئەڤا ئەم تێدا گەلەك ب زحمەت یا هاتی و پێدڤیە ئەمب پارێزین و پتر ئێكرێز بین".
ژ لایێ خۆ ڤە سەرۆكێ پشكا هۆنەرێ شێوەكاری مامۆستا دلگەش جاسم راگەهاند "چالاكیێن مە ل ڤێ پشكێ هەر ژ دەستپێكا سالا خواندنێ هەتا دویماهیا سالێ بەردەوامن، ڤەكرنا ڤێ پێشانگەهێ ژ لایێ قوتابیەکێ مە ڤە ئێكە ژ چالاكیێن کو ئەم وەك سەرۆكاتیا پشكێ و راگریا كولیژێ پشتەڤانێن قوتابینە داکو بەردەوامیێ بدەنە خواندنا خۆ ب ئەنجامدانا هەر كارەكێ گرێدایی خواندنا وان بیت".