كۆلیژا پزیشكی یا ددانان ل زانكۆیا دهۆك دوو كلینیكێن نوی یێن چارەسەركرنا ددانان ل رۆژا 10/10/2016 ل ئاڤاهیێ كۆلیژێ ڤەكرن.
هاریكارێ راگرێ كۆلیژا پزیشكی یا ددانان د. محمد رەشید دیاركر كو ئەڤ كلینیكێن هاتینە ڤەكرن ئێك یا چارەسەركرن و داگرتنا ددانان و ئێك یا چارەسەركرنا ددانێن زارۆكانە، گۆت ژی كلینیكا ئێكێ 15 كۆرسیكن و یا زارۆكان ژی 10 كۆرسیكن.
د. محمد رەشید ئەو ژی گۆت كو ل ڤان كلینیكان دێ چارەسەریا ددانان هێتە كرن بەرامبەر كۆژمەكێ كێم یێ پارەی كو ئەڤە كۆژمەكێ رەمزیە دێ هێتە وەرگرتن، ئەو ژی دیاركر كو كۆلیژا پزیشكی یا ددانان ل هەمی كلینیكێن وێ 70 كۆرسیكێن چارەسەركرنێ یێن هەین بۆ پێشوازیا نەخوشان.
هاریكارێ راگرێ كۆلیژا پزیشكی یا ددانان هەروەسا دیاركر كو ڤەكرنا ڤان كلینیكان ب پشتەڤانیا زانكۆیا دهۆك و پارێزگەها دهۆكێ بوویە، گۆت ژی ئەڤ كلینیكە یێن فێركرنێ نە بۆ قوتابیێن كۆلیژێ.