سەرۆکێ زانکۆیا دهۆک دگەل سەرۆکێ دیوانا ئەنجومەنێ وەزیران کۆمبوو
ئەڤرۆ رێکەڤتی 3ـی تەباخا 2022ـێ ل زاخۆ، ئومێد سەباح، سەرۆکێ دیوانا ئەنجومەنێ وەزیران و ب ئامادەبوونا گوهدار شێخۆ، سەرپەرشتێ ئیدارا سەربخۆیا زاخۆ، دگەل د. داود سلێمان ئەتروشی سەرۆکێ زانکۆیا دهۆک، د. نازم سلێمان جقسی سەرۆکێ زانکۆیا زاخۆ و د. ئاری عادل سەرۆکا زانکۆیا پۆلیتەکنیکیا دهۆک کۆمبوو.
د کۆمبوونێ دا، لایەنێن پشکدار دانوستاندن لدۆر ئاریشە و گرفتێن هەیی و چەوانیا چارەسەرکرنا وان و پتر پێشڤەبرنا زانکۆیێن پارێزگەها دهۆکێ ئەنجامدان.
د. داود سلێمان ئەتروشی، سەرۆکێ زانکۆیا دهۆک، دەربارەی کۆمبوونێ خویاکر "کۆمبوونا ئەڤرۆ دانوستاندن بوون ل دۆر ئاریشە و گرفتێن ل زانکۆیێن پارێزگەها دهۆکێ هەین و چەوانیا چارەسەرکرنا ڤان گرفتان، هەروەسا مە باس ل مافێن قوتابیان کر و مە گللەیێن خۆ ل دۆر گیرۆبوونا دەرمالێن قوتابیێن زانکۆیێن پارێزگەها دهۆکێ گەهاندن".