د. مصلح دهۆكی، سەرۆكێ زانكۆیا دهۆك دا دیاركرن كۆ ئەڤ پیشانگەهە ژلایێ ژمارەكا دەزگەهێن چاپ و پەرتۆكان ل زانكۆیا دهۆك ل هۆلا پەرتۆكخانا ناڤەندی هاتە ڤەكرن، كۆ ژمارەكا گەلەكا پەرتوكان ب زمانێن كوردی و ئینگلیزی و عەرەبی بخوڤە دگریت.
سەرۆكێ زانكۆیا دهۆك گۆت ژی: ئەم دوێ باوەرێ داینە كۆ دێ قوتابیێن زانكۆیێ مفایەكێ مەزن ژ ڤان پەرتۆكان وەرگرن، ب تایبەت ل دەسپێكا سالا نوویدا ئەڤ پیشانگەهە هاتیە ڤەكرن، دهەمان دەمدا زانكۆیا دهۆك گرنگیەكا هەرە ئێكجار ب دەزگەهێن رەوشەنبیری و چاپێ دكەت، چونكە چەند ژێدەرێ ئەلكترونی هەبیت دێ پەرتۆك هەر دەم ددەستاندا بیت و مفایێ خو پتر هەبیت.
سەباح شاهین، خودانێ پەرتوكخانا گازی و رێكخەرێ ڤەكرنا پیشانگەها پەرتوكان گۆت: ئەڤ پیشانگاهە ب پشكداریا 11 دەزگەهێن چاپ و وەشانێ هاتیە رێكخستن، كۆ سێ وان دەزگەها د بیانێ نە و یێن دی دنافخویی نە و نیزیكی 2500 پەرتوكێن ب (زمانێ كوردی، زمانێ عەرەبی و زمانێ ئینگلیزی) پشكداری ڤی پیشانگەهێ بووینە.
ئەڤ پەرتۆكە پتر یێن زانستێ ئەكادیمی نە وەك سەباح شاهین گۆتی: چونكە ئەڤ پەرتۆكە بۆ قوتابیێن زانكۆیێ نە، لەوا مە دەشكاندن 10% كریە.
هەلز عەلی حسین، مامۆستایا زانكۆیا دهۆك و هەلگرا باوەرناما ماستەرێ گۆت: ئەڤ جورە پیشانگە نە بتنێ بۆ قوتابیێ خواندنا زانكۆیێ دگرنگن، بە لكو بۆ قوتابیێن ماستەر و دكتورایێ ژی، چونكە پشڤەبرنا ئاستێ زانستی یێ تاكە كەسی ب خواندن و وەرگرتنا پێزانینا پێشڤە دجیت.
راگەهاندنا زانكۆیێ، هەلز عەلی سەلیم