زانکۆیا دهۆک دگەل زانکۆیا مووسل ب پشکداریا زانکۆیا ساسکس یا بریتانی، خولەکا ئێک سالی بۆ زێدەتر ژ 120 قوتابی و دەرچویێن زانکۆیێن ناڤبری ڤەکربوو ب مەرەما کۆمڤەکرن و ئەرشیفکرنا کولتۆرێ ڤێ دەڤەرێ ب شێوەیێ دیجیتال ستۆری.
دکتورە سوفیا شهاب ژ زانکۆیا ساسکس و دەزگەهێ IDS یێ پەرەپێدانا گەنجان و ئاڤاکرنا شیانێن قوتابیان د ئاهەنگا دەرچونێ دا ل هۆلا خەلەفێ زێباری ل ناڤەندا قوتابیان یا زانکۆیا دهۆک، ب ئامەدەبوونا مامۆستا و قوتابیێن ڤێ خولێ یێن هەردوو زانکۆیان و ژمارەکا مێڤانێن زانکۆیا ساسکس، خۆشحالیا خۆ دەربری ب سەرکەڤتنا ڤێ خولێ کو ژ هەمی تەخ و چوین و نەتەوە و پێکهاتێن ڤێ دەڤەرێ پشتی سالەکا کارکرن و پشکداریکرنێ.
ئەڤرۆ باوەرنامێن زانکۆیا دهۆک و ساسکس لسەر قوتابیان هاتنە بەلاڤکرن، و کەیفخۆشیا خۆ دیارکر ب وێ ئێکێ کو هەر قوتابیەک ب جلوبەرگێن خۆ یێن کولتۆری ئامادەی ئاهەنگێ بووی.
پشکدارەکێ ئاشووری باس ل مفایێ وان وەرگرتی ژ ڤێ خولێ دکەت، ب تایبەتی لێگەریان ودیدار وێنەکرن و مونتاج و نڤیسینا سیناریۆیان فێری، گەلەک تشتا بوو، گەلەک تشت ژ کەلەپۆرێ خۆ تازە زانین.
کچەکا ئەرمەنی ژی باس ل سەربۆرا خۆ دکەت د ڤێ خولێ دا و دبێژیت، ژبەر ڤی پرۆژەی ولێگەریانێ مە زانی، جلگێن مە، خوارنێن مە و مێژوویا مە چیە و چەوایە.
کچەکا ئێزدی دبێژیت؛ ب رێکا ڤی پرۆژەی مە کولتۆر و فۆلکلۆرێ خەلکی و یێ خۆ زانی، تایبەت ئەو هەولێن جینۆسایدکرنا مللەتێ ئێزدی.
کچەکا کورد ژ پشکداربوویان باس ل مەترسیا بەرزەبوونا کولتۆرێ کوردی و هەولێن زۆر هاتینە کرن کوردا ل ڤێ پارچێ بەرزەبکەن، لێ د ڤی پرۆژەی دا ئەم شیاین و فێربووین چەوا کولتۆرێ خۆ تۆماربکەین و بەلاڤبکەین.
قوتابیەکێ زانکۆیا موسل ژ رەگەز عەرەب دبێژیت؛ پشتی پشکداری ڤێ خولێ بوویم، من تازە زانی کا چەند کولتۆر و ئاین و نەتەوێن جودا د عیراقێ دا هەنە و گەلەک تشتێ بەرزە مە ئەڤرۆ دیت. پشکداربوویان ڤەکۆلین د تشتێ بالکێش دا کر.
قوتابیەکا کلدانی یا پشکدار باس ل وێ چەندێ کر کو جلوبەرگێن مەسیحیا بەرەڤ نەمانێ و بەرزەبوونێ دچوون، د ڤی پرۆژەی دا ئەم شیاین پۆلبکەین و بۆ قوناغێن بهێن یێن مێژوویێ بکەینە بەلگە.
پرۆفیسۆر ماریس، بەرپرسا گشتی یا پرۆژەی ل زانکۆیا ساسکس ل د لایڤەکێ دا دگەل ئامادەبوون پشکداری ئاهەنگێ بوو، گۆت: کۆرۆنایێ گەلەک کارتێکرن ل پرۆژێ مە کر، ئەم ترساین پرۆژێ مە ژناڤببەت و ب تایبەت ژناڤبرنا مرۆڤێن دان عەمر و کارتێکرنا خۆ هەبوو و گەلەک ئاریشا بۆ مە چێکرن و مە گەلەک هەڤرکی هەبوون، لێ سوپاس بۆ زانکۆیا دهۆک و مووسل کو شیان ڤان ئاستەنگان دەربازبکەن و بگەهنە ئارمانجا مە.
پشکدار شیان دیدارا ئەنجامبدەن و وێنا بگرن و بنڤیسن، زانین دێ چەوا سۆشیەل میدیایێ چەوا بکارئینن و چەوا پێکڤە گرێدەن و چەوا کۆمکەن.
دیسان ماریسێ گۆت: کۆمکرن وبەلاڤکرنا کولتۆرێ هەر نەتەوەکێ ژ دەستەکی بۆ دەستەکی دێ لسەر ملێن مە و هەوە پشکداران بن. کۆمڤەکەرێن کولتۆری ناڤێ هەوەیە، هوین نە بتنێ ڤەکۆلەرن، بەلکو هوین شیان فێری گەلەک کارێن گرنگ ببن کو بۆ ژیانا هەوە گرنگن، چونکو نابێژنە هەوە ڤەکۆلەر بتنێ، بەلکو هوین دلێ جڤاکینە، مە باوەری دا هەوە مە هوین کرنە بەرپرس ژ کۆمکرنا کولتۆری.
ل داویا پەیڤا خۆ گۆت: ئەڤ کارە گەلەک پیرۆزترە ژ کارێ رۆژنامەڤانیێ یێ سادە، چونکو کۆمکرنا کولتۆری تامەکا تایبەت هەیە و ژ کارێ رۆژنامەڤانیێ خۆشترە. تشتێ کو دێ بەرزە بیت هوین ناهێلن بەرزە ببیت.
پرۆفیسۆر رەوا ژ زانکۆیا مووسل د پەیڤا خۆ دا گۆت دیارکر؛ مە دڤیا ئەم هێشتا هەمەجۆریا کولتۆری ل مووسل بزانین و ببینین، لێ کۆرۆنا بوو ئەگەر سەرەرای سەرکەڤتنێ کێماسی هەبن. دیسا گۆت: تایبەتمەندیا من کۆمپیوتەرە، لێ بۆ من زۆر بالکێش بوو ئەز ڤان چیرۆکێن کولتۆری بزانم و ببینم و خۆ دەولەمەند بکەم ب ڤان هەمی بەرهەمێن جوان د ڤی وەلاتی دا، سوپاسیا هەمی مامۆستایان دکەم یێن ماندیبووین و پیرۆزباهیا هەمی کۆمڤەکەرێن کولتۆری دکەین.
د.شڤان ژ زانکۆیا دهۆک. بناڤێ خۆ وزانکۆیا دهۆک بخێرهاتنا مێڤانێن زانکۆیێ کر ژ بریتانیا و ژ زانکۆیا موسل و هەمو بەشداربوان کو ناڤێ ۆان کریە کۆمڤەکەرێن کولتۆری. گۆت: ڤێ خولێ شیا هندەک ژ کولتۆری کۆمکەت کو نە هاتیە نڤیسین ونەهاتیە هەلگرتن یان بەلاڤکرن بەری نوکە. داخازێ دکەین کو زانکویا ساسکس بەردەوام بیت هەڤکار بیت دڤان پرۆژاندا چونکە هندی مە کۆمفەکەرێن کولتوری هەبن هەر کێمە.
ل داویا گۆتاران، باوەرنامێن پشکداران هاتنە پارڤەکرن و ئاهەنگەکا کورت یا کولتۆرێ سترانێن دەڤەرێ ژلایێ قوتابیەکێ پشکدار ڤە هاتنە گۆتن.
دهێتە زانین ل دەمێ بۆری زانکۆیێن ناڤبری بۆ هژمارەکا قوتابی و دەرچوویان خولەکا گرێدای کۆمکرنا کولتۆری ب شێوێ چیرۆکێن ئەلکترۆنی و دیجیتال ستۆری ڤەکربوو، هەموو قوتابیێن پشکدار فێری هۆنەرێ لێگەریانا بابەتێ گونجای و سیناریۆیا چیرۆکا و وێنەگرتنێ بوو و چەوانیا چێکرنا وان برێکا بەرنامێن جودا د کومپیۆتەری یان مۆبایلێ دا.