ل ژێر دروشمێ وەرزش بو ئاشتیێ ئەڤرو 19\4\2016 ماراسونا گەنجان ژ گوندێ پیرومەرا تا ئەنجومەنێ پارێزگەها دهۆك هاتە ئەنجام دان ب پشكداریا ژمارەكا گەنجێن ئول و چاندێن جودا یێن هەریما كوردستانێ و پەنابەرێن وەلاتێ سوریێ یێن ل هەرێما كوردستانێ.
ئەڤ چالاكیە هات بوو ریكخستن ژلایێ سەنتەرێ ئاشتیێ و چارەسەركرنا ململانێ یێ زانكۆیا د گەل رێكخراوا مەند بو یەكسانیێ و ژمارەكا رێڤەبەریێن پارێزگەها دهۆك و رێكخراوێن جڤاكێ سڤێل ب سەرپەرشتیا ریكخراوا یونیسف یانەتەوێن ئێكگرتی.
د.جمال علی هاریكارێ سەرۆكێ زانكۆیا دهۆك بو كاروبارێن كارگێری و دارایێ دیاركر"مەرەم ژ ڤێ ماراسونێ ئەوە پەیامەكی بگەهینە جیهانی و دوژمنێن كوردستانی كو هەرێما كوردستانێ نمونەیا پێكڤە ژیانێ و ئاشتیێ و برایەتیێ یە".
ل دوماهیێ دیاری ل سەر پێنج سەركەفتێن ئێكی یێن كور و پێنج سەركەفتێن ئێكی یێن كچ هاتنە بەلاڤكر ژلایێ پارێزگەهێ دهۆكێ فرهات ئەتروشی و هاریكارێ سەرۆكێ زانكۆیێ بو كاروبارێن كارگێری و دارایێ د.جمال علی و ژمارەكا رێڤەبەرین دی یێن پارێزگەها دهۆك.