شاندەكێ قونسلخانا گشتی یا ئەمریكی ل هەولێرێ ب سەرۆكاتیا دەنگ مورۆ بەرپرسێ كاروبارێن گشتی ل قونسلخانێ ل روژا 29/3/2016 سەرەدانا زانكۆیا دهۆك كر و ژ لایێ سەرۆكێ زانكۆیێ پرۆفیسۆر د. مصلح دهۆكی پێشوازی لێ هاتە كرن.
د رینشتنەكی دا بەحسی بهێزكرنا پەیوەندیان و پێشڤەبرنا وان و پتر هەفكاری یا دناڤبەرا هەردوو لایان دا هاتە كرن، هەروەسا بەردەوامی دان و پێشخستنا پرۆگرامێن هەڤپشك ل گەل زانكۆیا دهۆك هاتنە بەحس كرن.
شاندێ قونسلخانا ئەمریكی ل هەولێرێ هژمارەكا پەرتووكێن جودا جودا پێشكێشی زانكۆیا دهۆك كرن ب وان تایبەتمەندیان ئەوێن ل زانكۆیا دهۆك ژێدەرێن وان دكێم.
هەروەسا شاندێ قونسلخانا ئەمریكی ل هەولێرێ سەرەدانا گوشا ئەمریكی (American corner) ل پەرتووكخانا ناڤەندێ یا زانكۆیا دهۆك ژی كر.