ل رۆژا 9/12/2021 لژنا سەرپەرشت و دارشتنا رێنمایێن پەتایا كۆرۆنایێ ل سەرۆكاتیا زانكۆیا دهۆك كۆمبوو، بۆ دارشتنا پلانا هاندانا قوتابیان بۆ وەرگرتنا ڤاكسینی و دەرێخستنا رێنمایان ل دۆر سەرەدەریێ دگەل ڤێ پەتایێ.
ئەڤ لژنە ژ مامۆستایێن كۆلیژێن كۆما پزیشكی و كارگێری و ئابووری و رێڤەبەریا ساخلەمیا دهۆكێ پێك دهێت، و گوگل فورمەكێ چێكری بۆ وان قوتابیێن ڤاكسین وەرگرتین و ئەوێن نەوەرگرتین، داكو ئامار ل دەف هەبن كا رێژا وەرگرتنا ڤاكیسنێ ل ناڤ قوتابیێن زانكۆیا دهۆك ب چ ئاوایە، و ل دویف وان داتایان دێ میكانیزم و ستراتیژی بۆ بلندكرنا رێژا وەرگرتنا ڤاكسینی هێنە پێشكێش كرن.
د كۆمبوونێ دا دووپاتی ل سەر وەرگرتنا ڤاكسینی هاتە كرن، هەروەسا دووپاتی ل سەر هاریكاریا هەمی كۆلیژێن زانكۆیا دهۆك ژی هاتە كرن، داكو ئاسانكاریان بكەن بۆ كارێ بلندكرنا هشیاریا وەرگرتنا ڤاكسیندانێ.