ل ژێر درووشمێ پێشمەرگە سومبوولێ ئاشتی و هەبوونا ژیانێ یە ل رۆژا 28/3/2016 ل سەنتەرێ رەوشەنبیری و جڤاكی یێ زانكۆیا دهۆك خولا پێگەهاندنا سەربازی ئەوا بۆ چەند ئەفسەرێن لیوا هەشت یا پیادە یا ب سەر وەزارەتا پێشمەرگەی ڤە هاتیە ڤەكرن ب دووماهی هات.
ئەڤ خولە كو یا تایبەت بوو ل دۆر چاوانیا پێكئینانا جڤاتێن ڤەكۆلینێ یێن لەشكەری، ل دووماهیا خولێ باوەرنامە ل سەر ئەفسەرێن پشكدار هاتنە بەلاڤ كرن.
دڤان رێورەسمان دا هەر ئێك ژ هاریكارێ سەرۆكێ زانكۆیا دهۆك بۆ كاروبارێن كارگێری و دارایی د. جەمال عەلی حەسەن و لیوا هاشم سیتەی فەرماندێ لیوا هەشت یا پیادە یا ب سەر وەزارەتا پێشمەرگەی تێدا بەرهەڤ ببون، د. جەمال عەلی د پەیڤەكی دا بەحسێ گرنگیا ڤان جۆرە خولان بۆ هێزێن پێشمەرگەی كر و دیاركر كو زانكۆیا دهۆك هەردەم یا بەرهەڤە وەكو پشتەڤانی بۆ هێزێن پێشمەرگەی ئەڤ جورە خولە دبەردەوام بن، ژلایێ خۆڤە لیوا هاشم سیتەی دیاركر كو ئەڤ خولە دێ پتر بنە هاندەر بۆ ئەفسەران كو لایەنێ زانستی و پراكتیكی یێ سەربازی پێكڤە بێخنە د خزمەتا لەشكەری دا و داخاز كر ڤان جۆرە خولان بەردەوامی هەبیت.
ڤەكرنا ڤێ خولێ ب هەڤكاری بوو د ناڤبەرا سەنتەرێ رەوشەنبیری و جڤاكی یێ زانكۆیا دهۆك و لیوا هەشت یا لەشكەرێ كوردستانێ و بۆ ماوێ چەند رۆژا ڤەكێشابوو.