ب مەرەما نیشاندان و شرۆڤەکرنا دەلیڤەیێن خواندنێ ل وەلاتێ هندستانێ بۆ قوتابی و ستافێ زانکۆیا دهۆک، ل ٢٣ـی نیسانێ ٢٠٢٤، مادان گۆپال، کونسولێ گشتیێ هندستانێ ل هەولێرێ سەرەدانا زانکۆیا دهۆک کر و ژ لایێ د. داود سلێمان ئەتروشی، سەرۆکێ زانکۆیا دهۆک ڤە هاتە پێشوازیکرن.
د چارچۆڤێ ڤێ سەرەدانێ دا و د پانێلەکێ گەنگەشێ دا ل هۆلا پێشمەرگە ل ناڤەندا قوتابیان ل زانکۆیا دهۆک، کونسولێ گشتیێ هندستانێ و هەروەسا سانتۆش کۆمار ژ کونسولخانەیا گشتی یا هندستانێ ل هەولێرێ، باس ل چەندین دەلیڤەیێن خواندنێ د بیاڤێن جودا دا ل وەلاتێ هندستانێ کرن، هەروەسا رێک و رێنماییێن پێشکێشکرنێ دانە دیارکرن.
ل دۆر ڤێ سەرەدانێ، کونسولێ گشتیێ هندستانێ باس ل پرۆگرامێ هەڤکاریا تەکنیکی و ئابووریێ هندستانی The Indian Technical and Economic Cooperation (ITEC) کر، کو پرۆگرامەکێ فراوانێ کۆرسێن راهێنان و پێگەهاندنێ یە و ١٦٠ وەلات تێدا پشکدارن، هەروەسا باس ل دیالۆگ و زمانێ خواندنێ ل هندستانێ کر و داخواز کر کو ئەڤ گەنگەشە ببنە دەلیڤە بۆ بهێزترکرنا پەیوەندیێن زانکۆیا دهۆك و وەلاتێ هندستانێ.
ل دویماهیێ دەرگەهێ دانوستاندنێ هاتە ڤەکرن و پرسیار ژ لایێ ئامادەبوویان ڤە هاتنە ئاراستەکرن و بوونە ئەگەرێ دروستبوونا گفتوگۆیێن تێر و تەسەل ل دۆر هویرکاریێن دەلیڤەیێن خواندنێ ل وەلاتێ هندستانێ.
بۆ داونلۆدکرنا وێنێن ب کوالتیا بلند، ئەڤی لینکێ ل خوارێ کلیک بکە:
https://drive.google.com/drive/folders/1x3C_P0MM1QffdcFLMxzqrnQ4zntZhyuY?usp=sharing
راگەهاندنا زانکۆیا دهۆك؛ ٢٤ـێ نیسانێ ٢٠٢٤
تەڤژین الیاس و عسمەت خابوور
فۆتۆ: حسێن تتمی