ژ بزاڤ و چالاکیێن کولیژا پەروەردا بنیات ئامێدیێ، ئەڤرۆ لرێکەفتی ١٠/٢/٢٠١٦ رابوینە ب هەوەکا خوین بەخشینێ بو وان پێشمەرگەیان ئەوێن پێتڤیا وان ب خوینێ هەى، راگرێ کولیژا پەروەردا بنیات ئامێدیێ گوت: د هەبونا هەر تشتى دا جوانترین کار خوبەخشینە ب تایبەتى ئەگەر دابینکرنا خوینێ بیت بو پێشمەرگێ قەهرەمان چونکە نها دا ئەگەر هەبونا پێشمەرگەى د چەپەرێن بەرگریکرنێ دا نەبیت گومان تێدا نینە هەبونا مە د ژیانێ دا دێ د لاوازیێ دابیت.

د.ئیحسان تەوفیق تەیب راگرێ کولیژێ دیارکرژى: ژبەر کو نها دا رەوشا دارای باش نینە و دشیانێن مە دا نینە هاریکاریێن ماددى پێشکێشی چەپەرێن پێشمەرگەى بکەین لەورا مە فەر دیت وەک ستافێ کولیژێکو پێک دهات ژ راگر و ماموستا و فەرمانبەران دگەل هژمارەکا مەزن یا قوتابێن کولیژێ قەستا نەخوشخانا گشتى یا ئامێدیێ بکەین ژ پێخەمەت بەخشینا خوینێ بو پێشمەرگەى، راگرێ کولیژێ دیارکرژى: قوتابێن هەردو پشکێن کولیژێ(زمانێ ئنگلیز و کومەلایەتى)پشکدارى ڤێ خوبەخشینێ بون و شیان پترژ(20)بتلێن خوینێ دابینبکەن و هەردەم مل ب ملێ پێشمەرگەى د ئامادە باشیێ داینە ژ پیخەمەت پاراستنا خاکا کوردستانا پیرۆز.