بۆ دانانا سیتسەمەکێ هەڤپشک بۆ کولیژێن پەروەردە و پەروەردا بنیات کۆمبوونەک هاتە ئەنجامدان
Aug. 5, 2022, 2:34 p.m.

ل سەر پێشنیارا کولیژا پەروەردا بنیات ل زانکۆیا دهۆک و ب سەرپەرشتیا د. لقمان هادی حەسەن، هاریکارێ سەرۆکێ زانکۆیێ بۆ کاروبارێن زانستی و خواندنا بلند و ب ئامادەبوونا بەرپرسێ هۆبا بۆلۆنیا پرۆسێس د. ئیسماعیل ئەمین، ب پشکداریا کولیژێن پەروەردا بنیات (دهۆک و ئامێدیێ) و پەروەردا ئاکرێ، کۆمبوونەک هاتە ئەنجامدان، کو دانانا سیستەمەکێ هەڤپشک د بوارێ بابەتێن پراکتیکی و تیۆری و مەشق و راهێنانێ و دابەشکرنا نمرەیان دا، تەوەرێ سەرەکیێ کۆمبوونێ بوو.

دەربارەی ڤێ کۆمبوونێ د.موئەید بەرەکات، هاریکارێ راگرێ کولیژا پەروەدا بنیات ل زانکۆیا دهۆک دیار کر "ئەڤ کۆمبوونە وەکو پێشنیار ژ لایێ کولیژا مە ڤە هاتیە ئەنجامدان ب مەرەما دانانا سیستەمەکێ هەڤپشک کۆ جوداهی د ناڤبەرا کولیژێن پەروەردا بنیات (دهۆک و ئامێدیێ) و پەروەردا ئاکرێ دا نەبن".

د. موئەیەد بەرەکات ئەوژی خویاکر کو ل دویماهیا کۆمبوونێ هژمارەکا بۆچوونا هاتنە پێشنیارکرن ل دۆر دانانا سیستەمەکێ هەڤپشک ل کولیژێن ناڤبری یێن زانکۆیا دهۆک، کو پتر خورتکرنا هەماهەنگیێ د ناڤبەرا زانکۆیا دهۆک و رێڤەبەریا گشتی یا پەروەردێ د بوارێن دەستنیشانکری دا و هەبوونا سەرەدانێن بەردەوام بۆ قوتابخانا دگەل ڤان پێشنیارا بوون.