ل رۆژا 27\3\2019 شاندەكێ زانكۆیا ئەمریكی ل بەیرۆت سەرەدانا زانكۆیا دهۆك كر و ژلایێ پ. د. مصلح دهۆكی سەرۆكێ زانكۆیا دهۆك هاتنە پێشوازی كرن.
د روینشتنەكی دا گەنگەشە ل سەر دەرچوویان و چاوانیا دویفچوونا وان و مفا وەرگرتن ژ وان هاتەكرن، شاندێ زانكویا ئەمریكی ئاماژە ب هندێ كر كو ئەڤە چەند سالە كاردكەن ل سەر ڤی بابەتی ژبەر كو ئێك ژ زانكۆیێن چالاكە د ڤی بواری دا.
د. لوقمان هادی حەسەن هاریكارێ سەرۆكێ زانكۆیا دهۆك بۆ كاروبارێن زانستی و خواندنا بلند دیاركر كو هەمی زانكۆ گرنگیێ دەنە ڤی بواری و زوربەی داهاتێ وان ژ دەرچوویان و خۆبەخشان دهێت، لەوما مە ڤیایە ژ وان فێربین و وان ژی چەند پێشنیارەك كرن ئێك ژوان ئوفیسەكێ ڤەكەین و پەیوەندیان دگەل مە گرێبدەن ژ بو وێ یەكێ تشتەكی قازانج بكەین دا ئەم ژی شارەزاییەكێ ژێ وەرگرین.