ژ بۆ خۆ ئامادەكرن بۆ وەرگرتنا قوتابیان و رێكخستنا كاری ل پشكێن ناڤخۆیی یێن قوتابیان، رێڤەبەریا پشكێن ناڤخۆیێ ل رۆژا 25/9/2016 كۆمبوونەكا بەر فرەه ل هۆلا خانی ل سەرۆكاتیا زانكۆیا دهۆك ئەنجام دا.
د ڤێ كۆمبوونێ دا كو سەرپەرشتێن پشكێن ناڤخۆ یێن كور و كچا تێدا د ئامادەبوون دانوستاندن ل سەر چاوانیا باشتر ب رێڤەبرنا پشكێن ناڤخۆیی هاتەكرن ژ بۆ نەهێلانا ئەو گرفتێن هەر سال ل پشكێن ناڤخۆیی پەیدا دبن.
رێڤەبەرێ پشكێن ناڤخۆیی ل زانكۆیا دهۆك سەلیم حەجی د پەیڤەكی دا بەحسێ چاوانیا كاركرنێ و پێگیریا رێنمایێن دەوامێ یێن رۆژانە و چاوانیا سەرەدەری كرنا ل گەل قوتابیان كر، گۆت ژی دڤێت ئەم هەمی پێكڤە كار بكەین ژ بۆ سەرئێخستنا پرۆسا خواندنێ.