سەرۆكێ‌ زانكۆیا دهۆك پرۆفیسور د. مسلح دهۆكی ل رۆژا 22/9 سەرەدانا كۆلیژا پەروەردا وەرزشی ل زانكۆیا دهۆك كر ب مەرەما هایداربونێ‌ ل سەر چاوانیا ب رێڤەچوونا تاقیكرنێن وەرزشی یێن قوتابیێن پالیوراو بۆ وەرگرتنا وان بۆ سالا خواندنێ‌ 2016-2017 ل كۆلیژا پەروەردا وەرزشی.

راگرێ كۆلیژا پەروەردا وەرزشی پرۆفیسور د. ئەحمەد قاسم دیاركر كو ل كۆلیژا پەروەردا وەرزشی ژ بۆ وەرگرتنا قوتابیان لژنە هاتینە دروستكرن ژ مامۆستایێن كۆلیژێ‌ بۆ سەرپەرشتی كرنا تاقیكرنێن وەرزشی بۆ وەرگرتنا قوتابیان كو هەشت تاقیكرنان بخۆڤە دگرتن و بۆ ماوێ‌ پێنچ رۆژان بەردەوام بوون هەر ژ 18/9 تا 22/9/2016.

هەروەسا پرۆفیسور د. ئەحمەد قاسم گۆت ئەڤ سالە 1038 قوتابیان پێشكێشی كۆلیژا پەروەردا وەرزشی كریە بۆ خوندنا سپَدەیان و ئێڤاران ژ وان 270 كچن، دیار ژی كر كو د دپلانا وان دایە 75 قوتابیان ل خواندنا سپێدەیان و 75 قوتابیان ل خواندنا ئیڤاران وەربگرن.

دهێتە زانێن كو ئەڤە بۆ جارا ئێكێ‌ یە ل زانكۆیێن كوردستانێ‌ ل زانكۆیا دهۆك خواندنا ئیڤاران ل كۆلیژا پەروەردا وەرزشی د هێتە ڤەكرن.