ل رۆژا 10/1/2019 ب ئامادەبوونا هاریكارێ سەرۆكێ زانكۆیا دهۆك بۆ كاروبارێن قوتابیان د. مێڤان عارف، د رێورەسمەكی دا رێڤەبەرێ تۆمـاكرنا گشتی ل زانكـۆیا دهۆك د. سعید خیدە علو هاتە گوهورین و ل جهێ وی دیار هاشم مالو دەست ب كار بوو.
د رێورەسمان دا د. سعید خیدە علو كو نێزیكی شەش سالانە رێڤەبەرێ تۆماكرنا گشتی داخازا سەركەفتنێ بۆ رێڤەبەرێ نوی خواست و هەروەسا سوپاسیا سەرۆكاتیا زانكۆیا دهۆك و هەمی فەرمانبەرێن تۆماركرنا گشتی كر كو دهاریكاربوون د ڤی ماوەی دا ل گەل بۆ ئەنجامدانا كارێن وان یێن رێڤەبەریێ و بەرهەڤیا خۆژی نیشا دا كو یێ هاریكار بیت دگەل رێڤەبەرێ نوی و یا پێدڤی بیت ئەنجام بدەت.
ژ لایێ خۆڤە دیار هاشم مالو سوپاسیا سەرۆكاتیا زانكۆیا دهۆك كر بۆ دەست نیشانكرنا وی بۆ ب رێڤەبرنا ئەركێ رێڤەبەریا تۆماركرنا گشتی و دیاركر كو یا د شیان دا بیت كار بكەت داكو بەردەوامیێ بدەنە كارێ ڤێ رێڤەبەریێ و ب ئاسانترین رێك خزمەتا قوتابیان و كۆلیژان بهێتە كرن.