كۆلیژا كارگێری و ئابووری ل زانكۆیا دهۆك ووركشۆپەك ب هەلكەفتا رۆژا جیهانی یا ژمێریاری ل ژێر ناڤێ (ژینگەها ژمێریاری ل هەرێما كوردستانێ، كەتوار و بەرهنگاری) ل رۆژا 11/11/2018 ل هولا كۆنفرانسان ل زانكۆیا دهۆك ئەنجام دا.
د رێورەسمێن ڤەكرنا ووركشۆپی دا سەرۆكا پشكا ژمێریاری ل كۆلیژا كارگێری و ئابووری ل زانكۆیا دهۆك د. شلێر عەبدولرەحمان د پەیڤەكی دا گۆت ژمێریاریێ رۆلەكێ سەرەكی یێ هەی بۆ پێشخستنا بیاڤێ ئابووری و گێرانا ڤی ووركشۆپی ژی بزاڤەكە بۆ پتر دیاركرنا بیاڤێ ژمێریاری ل هەرێما كوردستانێ.
د ڤی ووركشۆپی دا پتر ژ 10 بابەتێن گرێدایی ژمێریاریێ هاتە گەنگەشەكرنا ژلایێ مامۆستایێن پشكا ژمێریاری ژ وان بابەتان ژی سیستەمێن ژمێریاری دناڤبەرا هەڤركی و چارەسەریان دا كو ڤەكۆلینەكا مەیدانی بوو ل ل پارێزگەها دهۆكێ هاتیە ئەنجام دان، هەروەسا بابەتەك ل دۆر رۆلێ پیڤەرێن نێڤدەولەتی یێن ژمێریاری ئەوێن هاندەر بۆ وەبەرهێنانێ (IAS) هەروەسا ڤەكۆلینەكا دیتر یا مەیدانی كو ل سازیێن پارێزگەها دهۆكێ هاتبوو ل دۆر ئەكتیفكرنا هویربینیا ناڤخۆیی ل سازیێن حكوومی دا و چەندین بابەتێن دیتر یێن گرێدایی ژمێریایێ هاتە گەنگەشەكرن.