ل رۆژا 12/2/2019 كۆمبوونەك دگەل هەمی رێڤەبەرێن كارگێری و میلاكاتا یێن كۆلیژ و سەنتەرێن سەر ب زانكۆیا دهۆك ڤە ل هۆلا خانی ل سەروكاتیا زانكۆیا دهۆك هاتە ئەنجام دان.
د كۆمبوونێ دا هاریكارێ سەرۆكێ زانكۆیا دهۆك بۆ كاروبارێن كارگێری و دارایی د. ئەحمەد محەمەد سالح و رێڤەبەرێ كارگێری و خۆیەتی مامۆستا بەنگین ئیبراهیم و رێڤەبەرێ میلاكاتا رەعەد بەحری و رێڤەبەرێ وێب سایتی كاروان جەعفەر بەرهەڤ ببون، د. ئەحمەد بەحسێ سیستەمێ نوی یێ كارگێری كر ئەوێ وەزارەتا خواندنا بلند كا ل سەر دكەت ئەو ژی گرێدانا هەمی زانكۆ و كۆلیژە و سەنتەرانە ب شێوەكی ئەلكترۆنی ب وەزارەتێ ڤە ب رێكا ئەلكترۆنی كرنا سەرجەم داتا و پێزانینێن مامۆستا و فەرمانبەران ب رێكا سیستەمەكی كو ب زیترین دەم هەر فەمانبەرەك ئاگەهداری فەرمان و عەلاوە و سوپاسیێن خۆ ببن ب رێكا كودێ خۆیێ تایبەت.
هاریكارێ سەرۆكێ زانكۆیا دهۆك بۆ كاروبارێن كارگێری و دارایی ئامادەیا خۆ نیشا دا ل سەر هەر هاریكاریەكێ ژ بۆ كاركرن ل سەر ڤی سیستەمی و گۆت ژی ب دووماهی هاتنا ڤی سیستەمی و پركرن داتا و پێزانینان دێ گەلەك ئاسانكاری كەڤیتە د كارێ ئیداری و كارێ فەرمانبەران ژی دا.
رێڤەبەرێ كارگێری مامۆستا بەنگین ئیبراهیم گۆت ئەم وەكو ئیدارا زانكۆیا دهۆك گەهشتینە قووناغا سكەنەر كرنا سەرجەم بادەكێن تایبەت یێن مامۆستا و فەرمانبەرێن زانكۆیێ ژ بۆ پتر ب ساناهی كرنا كاری و زیتر ئاگەهداربوونا فەرمانبەر و مامۆستایان ل سەر هەر نڤیسارەكا تایبەت ب وان ڤە ئەو ژی ب دووماهی هاتنا ڤی سیستەمی دی پتر كار ب سانەهی بیت، داخاز ژ هەمی رێڤەبەرێن كارگێریێن زانكۆیێ ژی كر كو ب زیترین دەم هەر پێزانینەك یان هەر فەرمانەك یا كێم بیت دناڤا دوسیێن كەسایەتی دا زێدەكەن داكو ب ئەلكترۆنی كرنا دوسیا چ كێماسی نەبن.
ریڤەبەرێ وێب سایتێ زانكۆیێ كاروان جەعفەر گۆت ئەم وەكو ستافێ وێب سایتێ زانكۆیێ و یێ (IT) زانكۆیێ مە سەرەدانا وەزارەتا خواندنا بلند كر و هەمی داتا و پێزانینێن زانكۆیێ هەتا رادەكێ باش مە نیشا وان دان و ئەم دووەم زانكۆ هاتینە هەلبژارتن ژلایێ رێك و پێكیا داتا و پێزانینێن فەرمانبەرێن زانكۆیێ ڤە، ژ بەر ڤێ ئێكێ كاركرن د ڤی سیستەمێ ئیداری یێ نوی دا كارەكێ نەیێ زەحمەتە، ئەو ژی هەر رێڤەبەریەكێ دێ یوزەرنێمەك و پاسووردەك هەبیت و بەردەوام دێ ئەبدێتا پێزانینێن خۆ كەن، ب بورینا دەمی دێ پتر گرنگیا ڤی سیستەمی دیار بیت.
ل دووماهیێ هاریكارێ سەرۆكێ زانكۆیێ سوپاسیا رێڤەبەرێن كارگێری یێن سەر ب زانكۆیێ ڤە كر ژبوو ئەو كارێ هەتا نوكە وان ئەنجام دایی و گۆت ب رێك و پێكیا كاری دەست خۆشی ل زانكۆیا دهۆك هاتیە كرن ژلایێ وەزارەتا خواندنا بلند ڤە ژبەر وان داتا و پێزانینێن پێشكێشی وان كرین.