قونسلێ گشتی یێ وەلاتێ هولەندا ل هەرێما كوردستانێ ویلیام نیكۆلاس كوزین دگەل شیرەتكارێ كاروبارێن چاندنێ هاشی عەبدولئیلاه و شیرەتكارا ئابووری یا هولەندی میلانی روخ ل رۆژا 20/4/2019 سەرەدانا زانكۆیا دهۆك كرن و ژلایێ سەرۆكێ زانكۆیێ پ. د. مصلح دهۆكی ڤە پێشوازی لێ هاتە كرن.
د دیدارەكی دا بەحسێ ئاستێ پەیوەندیێن زانكۆیا دهۆك دگەل زانكۆ و ناڤەندێن ئەكادیمی یێن وەلاتێ هولەندا كرن و پ. د. مصلح دهۆكی دیاركر كو زانكۆیا دهۆك پەیوەندیێن باش یێن دگەل زانكۆیێن جیهانی هەین و ئاشكرا كر كو زانكۆیا دهۆك هەردەم هیڤیی خازە مفایی ژ سەربۆرا زانكۆیێن ناڤدارێن جیهانی وەربگریت.
ل هەمان رۆژ شاندێ هولەندی سەرەدانا كۆلیژا چاندنێ ل زانكۆیا دهۆك كر و دگەل راگرێ كۆلیژێ د. كەمال نەعمان و ب ئامادەبوونا هاریكارێ رێڤەبەرێ گشتی یێ چاندنی ل دهۆك و چەند شارەزا و بازرگانێن چاندنی ل دهۆك گەنگەشە ل دۆر پیشڤەبرنا كەرتێ چاندنێ ل هەرێمێ هاتە كرن.