پرۆفیسور د. مسلح دھۆکی سەرۆکێ زانکۆیا دھۆک پشوازی ل به‌رێز سه‌ربه‌ست تروانشى ئه‌ندامێ ئه‌نجومه‌نێ سه‌ركردایه‌تیا پارتى و به‌رپرسێ لقێ ئێك ل سه‌رۆكاتیا زانكۆیا دهۆك كر.
د روینشتنەکی دا گه‌نگه‌شه ل سه‌ر هندەک بابه‌تێن گرێدایى خواندنێ کر، نه‌خاسمه پشتى ئه‌ڤ باردوخێ هاتنا ڤایروسا كرونا و وێ پهێنڤه‌دانا بۆ قوتابیان هاته پێش و قه‌ربووكرنا وان ل رۆژێن داهاتى دیسا ته‌ئكید ل هندێ هاته كرن باشترین چاره بو به‌رهنگاریبون ل فایروسا كرونا جێبه‌جێكرنا رێنمایێن ته‌ندروستینه یێن وه‌زاره‌تا تندروستى، سەرۆکێ زانکۆیێ دیارکر ھەر ژ دەسپێکێ زانكۆیا دهۆك ده‌ست ب هه‌وه‌كا هشیاركرنێ كریه ل دۆر نه‌خۆشیا ڤایرۆسێ كورونایێ ل داموده‌زگه‌هێن حكومی ل سه‌رانسه‌ری پارێزگه‌ها دهوكێ.
هه‌ژى گۆتنێ یه ل زانكۆیا دهۆك تیمێن قوتابیێن كۆلیژێن پزیشكى هاتینه پێك ئینان و پۆسته‌رێن هشیاركرن و خۆپاراستنێ ژ ڤێ نه‌خۆشیێ هاتینه به‌لاڤ كرن داكو زانیاریێن دروست بگه‌هنه وه‌لاتیێن ده‌ڤه‌رێ ل دۆر ڤى ڤایرۆسى و نیشانێن نه‌خۆشیێ داكو خۆ ژێ دویر بێخن.