كولیژا پەروەردە - ئاكرێ
ب درێژاھییا کاروچالاکیێن خۆ، سەنتەرێ ڤەکولینێن زانستێن مروڤایەتی ل کولیژا پەروەردا ئاکرێ، ل ژێر چاڤدێریا بەرێز (پ. ە. د. کەریم محەمەد کەکو) راگرێ کولێژا پەروەردە - ئاکرێ. ئەڤرۆ ل رێکەفتێ ١٤/١٠/٢٠١٩، ل ژێر دروشمێ (زانکۆ ھێمایێ پێشڤەچوونا جڤاکی یە). رابوو ب سازکرنا پەنەلەکێ ڤەکرێ ل ژێر ناڤێ (رولێ زانکویێ د جڤاکی دا).
ئەڤ پەنەلە ژ سێ تەوەرێن سەرەکی پێکھاتبوو.
تەوەرێ ئێکێ ل ژێر ناڤ و نیشانێ (رولێ زانکویێ د گەشەپێدان و ڤەژاندنا ئابوریا جڤاکی دا). ژلایێ بەرێز (پ.ە. د. رێبەر فتاح) ی، راگرێ کولیژا کارگێری و ئابوری ل زانکویا دھوک/ ھاتە پێشکێشکرن.
تەوەرێ دوویێ ل ژێرناڤ و نیشانێ (رولێ زانکویێ دجڤاکی دا، و گرنگیا زانکوبوونا ئاکرێ). ژلایێ بەرێز (پ. ە. د. کەریم محەمەد کەکو) راگرێ کولیژا پەروەردا- ئاکرێ. ھاتە پێشکەشکرن.
تەوەرێ سیێ ل ژێرناڤ و نیشانێ (رولێ زانکویێ د دانەنیاسینا شینوار و جھێن کەڤنارو دیرۆکیدا). ژلایێ بەرێز (د. بێکەس جەمال)یڤە. کو شارەزا ل رێڤەبەریا شینوارێن ئاکرێ، ھاتە پێشکەشکرن.
ئەڤ پەنەلە ژلایێ بەرێز (پ.ە. د. نزار خورشید مامە). رێڤەبەرێ سەنتەرێ ڤەکولینێن زانستێن مروڤایەتیڤە، ب ئامادەبوونا ھەمی سازیێن میریێن دەڤەرێ و کەسایەتی و ماموستا و قوتابیێن کولیژێ ھاتە برێڤەبرن.
بھیڤییا ئەوێ چەندێ کو ئەو تەوەرێن ھاتینە پێشکێشکرن و خالێن سەرەکی ئەنجامێن ئەڤی پەنەلەی بچنە دوارێ جێ بەجێکرنێدا، ژ پێخمەت وێ چەندێ کو د ئایندەکێ نێزیکدا ئاکرێ ببیتە خودان زانکویایەکا تایبەت بخو